बायोपिकसाठी धोनीने घेतले होते कोट्यवधी रुपये, तर 'संजू' साठी संजय दत्तने घेतले…

मुंबई– बॉलिवूडमध्ये बायोपिक तयार करण्याचा ट्रेण्ड बराच जुना आहे. आतापर्यंत अनेक लोकप्रिय व्यक्तिमत्त्वांच्या आयुष्यावर बायोपिक बनवण्यात आल्या आहेत. हे चित्रपट बॉक्स ऑफिसवरही चांगली कमाई करतात. परंतु, आपल्या असामान्य आयुष्याची गोष्ट पडद्यावर मांडण्यासाठी त्या व्यक्तिमत्वाला मानधन देणंही गरजेचं असतं. आतापर्यंत ‘मिल्खा सिंह पासून मेरी कोम पर्यंत अनेकांच्या आयुष्यावर चित्रपट बनवण्यात आले आहेत. महेंद्र सिंह धोनीने त्याच्या आयुष्यावर आधारित चित्रपट बनवण्यासाठी कोट्यवधी रुपयांचं मानधन घेतलं होतं हे तुम्हाला ठाऊक आहे का?

१.
महेंद्र सिंह धोनी- ४५ कोटी

महेंद्र सिंह धोनीच्या आयुष्यावर आधारित ‘एमएस धोनी: द अन्टोल्ड स्टोरी’ या चित्रपटात अभिनेता सुशांत सिंह राजपूतने मुख्य भूमिका साकारली होती. या चित्रपटाने बॉक्स ऑफिसवर भरपूर कमाई केली होती. २०१५ साली प्रदर्शित झलेल्या चित्रपटासाठी धोनीने मानधन म्हणून ४५ कोटी रुपये घेतले होते.

२.
मिल्खा सिंह- १ रुपया

‘फ्लाइंग सिख’ म्हणून लोकप्रिय असलेले एथलीट मिल्खा सिंह यांनी यांच्या आयुष्यावर चित्रित करण्यात आलेल्या ‘भाग मिल्खा भाग’ चित्रपटासाठी कोणतंच मानधन घेतलं नव्हतं. जेव्हा चित्रपटाचे निर्माते त्यांना मानधन घेण्यासाठी फार आग्रह करू लागले तेव्हा मिल्खा यांनी फक्त १ रुपया मानधन घेतलं होतं.

३.
महावीर फोगाट- ८० लाख

पहिलवान असलेल्या महावीर फोगाट यांच्या आयुष्यावर आधारित ‘दंगल’ चित्रपटात अभिनेता अमीर खानने महावीर यांची भूमिका साकारली होती. या चित्रपटाने कमाईचे सारे रेकॉर्ड तोडले होते. आपल्या बायोपिकसाठी महावीर यांनी ८० लाखाचं मानधन घेतलं होतं.

४.
लक्ष्मी अग्रवाल- १३लाख

दीपिका पादुकोणचा ‘छपाक’ चित्रपट एका ऍसिड हल्ला झालेल्या मुलीच्या आईष्यावर आधारित होती. ती मुलगी म्हणजे लक्ष्मी अग्रवाल. आपल्या आयुष्यावर चित्रपट बनवण्यासाठी लक्ष्मीने १३ लाख रुपये घेतले होते.

५.
संजय दत्त- १० कोटी

अभिनेते संजय दत्त यांच्या आयुष्यावर आधारित ‘संजू’ चित्रपटासाठी त्यांनी ९ ते १० कोटी रुपये घेतले होते. याशिवाय ‘संजू’ चित्रपटाच्या बॉक्स ऑफिस वरील कमाईमधील हिस्सा देखील संजय यांना देण्यात आला होता.