2-डीजी या करोनावरील औषधाच्या तिसऱ्या टप्प्यातील क्लिनिकल चाचणी जानेवारी महिन्यात सुरू झाली होती. तर दुसऱ्या टप्प्यातील चाचणी ही गेल्या वर्षी जून ते सप्टेंबरदरम्यान झाली होती. यात ११० रुग्णांनी सहभाग घेतला होता. या औषधाचा उपयोग हा कॅन्सर रुग्णांवरील उपचारासाठीही केला जातो, असं अनेक तज्ज्ञांचं म्हणणं आहे.
डीआरडीओने विकसित केलेले 2-डीजी या करोनावरील औषधाची पुनर्निर्मिती करण्यात आली आहे. हे औषध काही नवीन नाही. हे औषध यापूर्वी कॅन्सर रुग्णांवरील उपचारासाठी वापरण्यात येत होते. या औषधाच्या चाचणीचे निष्कर्ष डीसीजीआयला देण्यात आले आहेत, अशी माहिती आयसीएमआरचे संचालक डॉ. बलराम भार्गव यांनी दिली.
गेल्या वर्षी मे महिन्यात डॉ. रेड्डी लॅबला 2-डीजी या करोनावरील औषधाच्या चाचणीची मंजुरी डीसीजीआयने दिली होती.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
