प्रविण दिलीप शिंदे (वय २७, रा. पिंपरखेड, ता. शिरूर) असे अटक केलेल्याचे नाव आहे. तो पूर्वी मुंबई परिसरात नोकरीला होता. तो नोकरी सोडून आला होता. त्याला ही शिंगे कोठून मिळाली, याचा शोध सरू असल्याचे वरिष्ठ निरीक्षक गणेश माने यांनी सांगितले. गुन्हे शाखेचे पथक हद्दीत गस्त घालत होते. त्यावेळी पोलिस कर्मचारी नितीन मुंढे यांना माहिती मिळाली, की एक व्यक्ती सांबराच्या शिंगाची विक्री करण्यासाठी फुलगाव परिसरात येणार आहे. त्यानुसार पोलिस उपायुक्त श्रीनिवास घाडगे यांच्या मार्गदर्शनाखाली निरीक्षक गणेश माने यांनी फुलगाव फाटा चौक परिसरात सापळा रचून शिंदे याला पकडण्यात आले. त्यावेळी त्याच्याकडे तीन शिंगे व दुचाकी असा मुद्देमाल जप्त करण्यात आला आहे.
वाचाः
शिंदे हा उच्चशिक्षीत असून तो मुंबई येथे एका ठिकाणी चांगल्या ठिकाणी नोकरीला होता. मात्र, करोनामुळे लागू करण्यात आलेल्या लॉकडाऊनमध्ये त्याची नोकरी गेली. त्यामुळे गावी आला होता. आता आलेल्या चक्रीवादळामध्ये त्याच्या घराचे नुकसान झाले होते. त्यामुळे काय करावे म्हणून त्याने एका व्यक्तीच्या मार्फत शिंगे विक्रीसाठी आणली होती. त्यामधून पैसे मिळतील असे वाटत होते, असे त्याने पोलिसांना तपासात सांगितले आहे.
वाचाः
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
