नवी दिल्ली : भारताला ऑलिम्पिकची दोन पदके जिंकवून देणारा एकमेव कुस्तीपटू अशी ओळख असणाऱ्या सुशील कुमारला आज अखेर अटक करण्यात आली आहे. एका युवा कुस्तीपटूच्या मत्यूप्रकरणी त्याला अटक करण्यात आली आहे. युवा कुस्तीपटूच्य मत्यूनंतर सुशील कुमार फरार झाला होता. त्यानंतर त्याच्यावर ५० हजार रुपयांचे इनामही पोलिसांनी ठेवले होते. त्याचबरोबर त्याला अटकपूर्व जामीनही मिळाला नव्हता. आज अखेर सुशील कुमारला दिल्ली पोलिसांनी पंजाबमध्ये जाऊन अटक केली आहे. सुशील कुमारला जालंधर येथून अटक केल्याची बातमी टाइम्स ऑफ इंडियाने दिली आहे. आयएनएस या वृत्तसंस्थेच्या सूत्रांनी ही माहिती दिली असल्याचे टाइम्स ऑफ इंडियाने सांगितले आहे. सुशील अटक केली केली नाही, याबाबत दिल्ली पोलिसांनी अधिकृतपणे माहिती अद्याप दिलेली नाही.

नेमकं प्रकरण आहे तरी काय, जाणून घ्या….
दिल्लीमधील छत्रसाल स्टेडियमच्या बाहेर ही घटना घडली होती. सागर कुमार हा भारताचा एक युवा कुस्तीपटू नवी दिल्लीमध्ये सराव करत होता आणि त्यानंतर तो आपल्या भाड्याने घेतलेल्या घरी राहायला जात होता. हे भाड्याचे घर ऑलिम्पिक पदकविजेत्या सुशील कुमारचे होते. काही दिवसांपूर्वी या सुशील कुमारने सागरला घर सोडून जाण्यास सांगितले होते. पण कदाचित सागर ही रुम सोडण्यास तयार नव्हता. त्यामुळे जेव्हा मंगळवारी रात्री सागरचा सराव संपला तेव्हा स्डेडियमबाहेर हा सुशील कुमार सागरशी बोलण्यासाठी तिथे आला होता. त्यावेळी त्यांच्यामध्ये भांडण झाले. यावेळी सुशील कुमारबरोबर काही अन्य व्यक्तीही होत्या आणि त्यांनी सागरला मारहाण केली. या मारहाणीमध्ये सागर गंभीररीत्या जखमी झाला आणि त्यानंतर त्याचा मृत्यू झाला.

सागरबरोबर असलेल्या मित्रांनाही यावेळी दुखापत झाली आहे. मंगळवारी रात्री १ वाजू १० मिनिटांनी पोलिसांना तीन व्यक्ती गंभीर असून त्यांना विनायक हॉस्पिटलमध्ये दाखल करण्यात आल्याचे समजले. पोलिसांनी लगेच या ठिकाणी धाव घेतली. यावेळी सागरचा उपचारादरम्यान मृत्यू झाल्याचे समजते आहे. त्याचबरोबर सागरबरोबर असलेल्या दोन मित्रांनाही जबर मारहाण करण्यात आली होती. त्यावेळी एका व्हिडीओमध्य सुशील कुमार तिथे असल्याचे पाहिले गेले होते. त्यामुळे दिल्ली पोलिस त्याला पकडण्याची तयारी करत होते. पण सुशील कुमार हा फरार झाला होता. अखेर सुशील कुमारला पंजाबमध्ये दिल्ली पोलिसांनी अटक केली आहे.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here