आता मराठा आरक्षणावर काय करायचे ते सांगा?; खासदार संभाजीराजेंचा सरकारला सवाल

आरक्षण नाकारल्याने मराठा समाज अस्वस्थ आहे, आता आम्हाला आरक्षण हवे आहे. ही जबाबदारी केंद्राची की राज्याची हे आम्हाला माहीत नाही. त्यामुळे काय करणार ते सांगा असा सवाल खासदार संभाजीराजे यांनी केला. दरम्यान, प्रश्नी भूमिका समजावून घेऊन राज्यभर दौरा केल्यानंतर २७ किंवा २८ मे दरम्यान यांची भेट घेणार असल्याचेही त्यांनी सांगितले. (now tell me what to do about ask mp sambhaji raje to the government)

मराठा आरक्षण प्रश्नांवर मुख्यमंत्री, विरोधी पक्षनेते, आमदार, खासदारांनी एकत्र येऊन मार्ग काढला पाहिजे. त्यासाठी लोकांना वेठीस धरु नये. करोना काळात आंदोलन, उद्रेक हे शब्द उच्चारणे चुकीचे आहे, असे मतही संभाजीराजेंनी व्यक्त केले.

सुप्रीम कोर्टाने मराठा आरक्षण रद्द केल्यानंतर मराठा समाजाची पुढील भूमिका ठरवण्यासाठी खासदार संभाजीराजे यांनी राज्यभर दौरा सुरू केला आहे. त्याची सुरुवात त्यांनी आज कोल्हापुरातून केली. सोमवारी (ता. २४ मे)त्यांनी कोल्हापूर शहरातील नर्सरी बागेतील राजर्षी शाहू महाराजांच्या समाधी स्थळाला भेट दिली. यावेळी त्यांनी पत्रकारांसमोर आपली भूमिका स्पष्ट केली.

ते म्हणाले, ‘ आरक्षणासाठी मराठा समाजाने आत्तापर्यंत ५८ मूक मोर्चे काढले आहेत. आता पुन्हा नव्याने मोर्चे काढण्याची गरज नाही. करोनाचा काळ आहे, आता जीव महत्त्वाचा आहे. त्यामुळे आंदोलन, उद्रेक या शब्दाला आता स्थान नाही. आता सरकारनेच या समाजाची मागणी मान्य करायची आहे. तोडगा त्यांनीच काढायचा आहे. त्यासाठी मराठा आरक्षण मिळवण्यासाठी केंद्र आणि राज्य सरकारला तज्ज्ञ आणि अभ्यासकांच्या सूचना देऊन पाठपुरावा करणार आहे. राज्याचा दौरा संपल्यानंतर २७ किंवा २८ मेला मुख्यमंत्री ठाकरे, विरोधी पक्षनेत्यांची भेट घेणार आहे. करोनाच्या काळात जीव वाचवणे महत्वाचे असून या काळात आंदोलनाद्वारे समाजाला वेठीस धरुन दिशाभूल करु नये,’ असे आवाहनही त्यांनी केले.

क्लिक करा आणि वाचा-
मराठा समाजाच्या प्रश्नावर आक्रमक भूमिका घेतल्यानंतर आपल्याला मुख्यमंत्री उद्धव ठाकरे यांचा फोन आला होता. त्यांनीच भेटीचे निमंत्रण दिले आहे. त्यानुसार आपण २७ किंवा २८ मेला त्यांना भेटून काही सूचना करणार असल्याचे सांगून खासदार संभाजीराजे म्हणाले, मराठा समाज सध्या अस्वस्थ आहे. या समाजाची दिशाभूल केली जात आहे. त्यामुळे आरक्षणाच्या प्रश्नावर समाज जे ठरवेल त्यासोबत आपण असू.

क्लिक करा आणि वाचा- क्लिक करा आणि वाचा-