हाजी गफ्फार मलिक यांना किरकोळ आजारपणामुळे रुग्णालयात दाखल करण्यात आले होते. तिथे उपचार सुरू असतानाच मलिक यांची तब्येत खालावली आणि त्यांनी अखेरचा श्वाास घेतला.
हाजी गफ्फार मलिक यांनी नगरपालिका आणि नंतर जळगाव महापालिकेत नगरसेवकपदासह विविध समितींचे अध्यक्षस्थान भूषविले होते. तत्कालीन आमदार यांचे ते विश्वासू सहकारी म्हणून ओळख जायचे. मात्र, सुरेश जैन यांनी राष्ट्रवादी काँग्रेसला सोडचिठ्ठी दिल्यानंतर मलिक हे मात्र पक्षाशी एकनिष्ठ राहिले. त्यांनी पक्ष सोडला नाही. यानंतर पक्षाने त्यांच्यावर अल्पसंख्यांक आघाडीच्या प्रदेशाध्यक्षपदाची धुरा सोपवली. ती त्यांनी समर्थपणे सांभाळली. राष्ट्रवादी काँग्रेसमधील मुस्लीम चेहरा म्हणून ओळखले जाणारे गफ्फार मलिक यांनी २०१४ मध्ये मतदारसंघातून निवडणून लढविली होती. मात्र, ते पराभूत झाले होते.
राज्याचे अल्पसंख्याक मंत्री व राष्ट्रवादी काँग्रेसचे प्रवक्ते नवाब मलिक यांनी गफ्फार मलिक यांच्या निधनाबद्दल ट्वीटरच्या माध्यमातूनन तीव्र शोक व्यक्त केला आहे. अब्दुल गफ्फार मलिक यांच्या निधनाचे वृत्त ऐकून दु:ख झाले. या प्रसंगी माझ्या संवेदना मलिक यांच्या कुटुंबियांसोबत आहेत, अशा शब्दांत नवाब मलिक यांनी श्रद्धांजली वाहिली.
आणखी वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
