करोनाची संभाव्य तिसरी लाट थोपवून धरण्यासाठी मुंबई महापालिका सज्ज

मुंबई: कोरोनाच्या तिसऱ्या लाटेचा सामना करण्यासाठी मुंबई महापालिका सज्ज झाली आहे. संभाव्या तिसरी लाट थोपवून धरण्यासाठी महापालिकेने उपाययोजना सुरु केले असून मुंबईला येत्या काही दिवसांत ६ ते ७ हजार वाढीव बेड मिळणार आहेत. या बरोबरच मालाड, सोमय्या ग्राऊंड आणि कांजुरमार्ग इथे प्रत्येकी २ हजार बेड क्षमता असलेले नवीन जम्बो कोविड सेंटर उभी राहणार आहेत. त्याच प्रमाणे प्रत्येक जम्बो कोविड सेंटरमध्ये किमान १०० खाटा असणारा पेडियाट्रिक वॉर्ड देखील असणार आहे. तसेत, दिव्यांग रुग्णांसाठीही विशेष वॉर्ड उभारण्यात येणार आहे. ही माहिती मुंबई महापालिकेचे अतिरिक्त आयुक्त सुरेश काकाणी यांनी दिली आहे. (mumbai municipal corporation ready to face possible )

स्तनदा मातांना थेट लसीकरण केंद्रावर लस मिळणार

मुंबईत उद्यापासून गर्भवती महिला आणि स्तनदा मातांचे लसीकरण करण्यात येणार आहे. वॉक इन सुविधेनुसार या महिलांना लस मिळणार आहे. सोमवार, मंगळवार आणि बुधवार असा तीन दिवशी थेट लसीकरण केले जाणार आहे. या स्त्रियांना प्रसुती झाल्याचा दिनांक, स्थळ यांसह आवश्यक वैद्यकीय कागदपत्रे आणि वैद्यकीय माहिती सोबत बाळगणे आवश्यक असणार आहे. मात्र, गर्भवती महिला किंवा स्तनदा मातांनी लसीकरणापूर्वी डॉक्टरांचा सल्ला घ्यावा, तसेच डॉक्टरांच्या सल्ल्यानुसार अशा महिलांनी लसीकरणासाठी येताना सर्टिफिकेट आणावे, असे काकाणी यांनी म्हटले आहे.

क्लिक करा आणि वाचा-

ग्लोबल टेंडरचे चित्र आज होणार स्पष्ट

कोरोना लसी मुबलक प्रमाणात उपलब्ध व्हावी यासाठी मुंबई महापालिकेने काढलेल्या ग्लोबल टेंडर टेंडरचा आज शेवटचा दिवस आहे. आतापर्यंत फक्त ३ पुरवठादार समोर आले आहेत. याबाबतचे चित्र आज अधिक स्पष्ट होणार आहे.

क्लिक करा आणि वाचा-

मुंबईत म्युकरमायकोसिसचे १५० रुग्ण

त्याचबरोबर मुंबईत म्युकरमायकोसिसचे १५० रुग्ण असून या रुग्णांना लागणारी औषधे मिळावीत यासाठी एक टीम बनवण्यात आली आहे, अशी माहिती सुरेश काकाणी यांनी दिली आहे.

क्लिक करा आणि वाचा-