वाचा:
ग्रामीण भागात आरोग्य विभागाचा कणा म्हणून ओळखल्या जातात. ग्रामीण भागातील करोना संसर्गाची साथ रोखतानाच आता आशा स्वयंसेविकांना आणि स्वयंनिदान चाचणी करण्याचे प्रशिक्षण देण्यात येणार असल्याचे आरोग्यमंत्री राजेश टोपे यांनी सांगितले. राज्यात सुमारे ७० हजाराच्या आसपास आशा स्वयंसेविका आहेत. या सर्वांना हे प्रशिक्षण देण्यात येणार आहे. ग्रामीण भागात कोविड चाचण्यांचा वेग वाढवण्यास व वेळेत निदान करून रुग्णांवर उपचार करण्यास त्याचा मोठा हातभार लागणार आहे.
वाचा:
दरम्यन, राज्यात म्युकरमायकोसिस (काळी बुरशी) आजाराच्या रुग्णांची संख्या वाढत असून या आजारावरील उपचारासाठी आवश्यक असलेले ॲम्फोटेरेसीन बी इंजेक्शन उपलब्ध होण्यासाठी राज्य शासनाने जागतिक निविदा काढली आहे. त्यामाध्यमातून साधारणत: जूनच्या पहिल्या आठवडयात या इंजेक्शनच्या ६० हजार व्हायल्स आंतरराष्ट्रीय स्तरावरून थेट महाराष्ट्रात येणार आहेत, अशी महत्त्वाची माहितीही राजेश टोपे यांनी दिली. राज्यात सध्या म्युकरमायकोसिसचे २२४५ रुग्ण आहेत. या आजारावर उपचारासाठी ॲम्फोटेरेसीन बी इंजेक्शन वापरले जात असून त्याची किंमत अधिक आहे. केंद्र शासनाकडून या इंजेक्शन वाटपाचे नियंत्रण केले जात आहे. मात्र महाराष्ट्रात हे इंजेक्शन मोठ्या प्रमाणात उपलब्ध व्हावे यासाठी राज्य शासनाने जागतिक निविदा काढली असल्याचेही त्यांनी नमूद केले. महात्मा फुले जनआरोग्य योजनेत सहभागी नसलेल्या खासगी रुग्णालयांमध्ये म्युकरमायकोसीसचे काही रुग्ण उपचार घेत आहेत. करोना रुग्णांसाठीच्या उपचारासाठी जे दर निश्चित करण्यात आले आहेत ते म्युकरमायकोसिसच्या रुग्णांना लागू करून त्यानुसार उपचार व्हावेत यासाठी राज्य शासन प्रयत्नशील असल्याचेही टोपे म्हणाले.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
