कोविड काळात कामात हलगर्जी केल्यास फौजदारी कारवाई होणार

करोनाच्या दुसऱ्या लाटेची दाहकता जास्त असून तिची व्यापकताही मोठी आहे. त्यामुळे आरोग्य विभागातील कर्मचाऱ्यांनी महसूल व संबधित विभागाच्या यंत्रणांशी समन्वय ठेवून काम करावे. समन्वयामध्ये अभाव झाल्यास यंत्रणांचे काम बिघडू शकते. कोविडच्या काळात जनतेमधून तक्रारी येणार नाहीत याची काटेकोरपणे दक्षता घेणे आवश्यक आहे. कोविड कालावधीत कामामध्ये हालगर्जीपणा केल्यास संबंधितांवर करण्यात येईल, असा कठोर इशारा यांनी दिला. ( will be taken for during orders )

तहसीलदार कार्यालय शिराळा येथे आयोजित करण्यात आलेल्या सद्यस्थितील करोना कामकाज आढावा बैठकीत ते बोलत होते.

राज्य शासनाच्या आदेशानुसार करोना पॉझिटिव्ह अहवाल आलेल्यांना संस्थात्मक विलगीकरण करण्याबाबत नियोजन करण्यात यावे. यामध्ये सरसकट विलगीकरण न करता ज्या रुग्णांच्या घरी स्वतंत्र राहण्यासाठी व्यवस्था नाही, तसेच जे पॉझिटिव्ह आलेले रुग्ण शासकीय नियमांचे पालन न करता बाहेर फिरत असतील अशांना संस्थात्मक विलगीकरणात ठेवावे. तसेच जे रुग्ण आपल्या कुंटुबाला संसर्ग होऊ नये अथवा आपल्यामुळे करोना पसरु नये यासाठी स्वत:हुन संस्थात्मक विलगीकरण कक्षात जाण्यास तयार असतील त्यांना संस्थात्मक विलगीकरणात ठेवण्यात यावे, असे सांगून जिल्हाधिकारी डॉ. अभिजीत चौधरी म्हणाले, संस्थात्मक विलगीकरणाच्या ठिकाणी आवश्यक असणाऱ्या सोईसुविधांची वारंवार तपासणी करण्यात यावी. ज्या सुविधा उपलब्ध नसतील त्या तातडीने उपलब्ध करुन द्याव्यात. सद्यस्थितीत शिराळ्यात सहा ठिकाणी संस्थात्मक विलगीकरण सुरु असुन त्या ठिकाणी रुग्णांची संख्या संस्थेच्या मर्यादेनूसार ठेवण्यात यावी. तसेच ज्या गावांमध्ये कोविड रुग्णांची संख्या जास्त आहे त्या गावांमध्ये संस्थात्मक अलगीकरणावर भर देण्यात यावा. संबधित गावातील ग्राम दक्षता समित्यांनी सक्षमपणे काम करुन जिल्हा प्रशासनाला सहकार्य करावे, असेही त्यांनी यावेळी सांगितले.

क्लिक करा आणि वाचा-

जिल्हाधिकारी अभिजित चौंधरी यांनी दिलेल्या सूचना:

> जिल्ह्यामध्ये ऑक्सिजन कॉन्संट्रेटर बँक हा उपक्रम राबविण्यात येत असून या ऑक्सिजन कॉन्संट्रेटर बँकचा प्रभावी वापर शिराळा तालुक्यात करण्यात यावा.
> आरोग्य यंत्रणा व महसुल यंत्रणेने बेड मॉनिटरिंग सिस्टीम अपडेट ठेवावी. हायरिस्क रुग्णांबाबत जिल्हा प्रशासनाशी संपर्क साधुन सदर रुग्ण सांगली अथवा मिरज या ठिकाणी स्थलांतरित करण्यात यावे.
> बेडसाठी रुग्णांची हेळासांड होऊ नये यासाठी बेडची माहिती हॉस्पिटलच्याबाहेर दर्शनी भागात लावण्यात आलेली आहे ती अपडेट ठेवण्यात यावी.
> शिराळा तालुक्यातील उपजिल्हा रुग्णालय, प्राथमिक आरोग्य केंद्र यांनी औषधे, आवश्यक वैद्यकीय साहित्य तसेच आवश्यक असणारा निधीची विहित वेळेत मागणी जिल्हा प्रशासनाला सादर करावी.
> प्रत्येक महिन्याला या संबधिचा स्थानिकस्तरावर आढावा घेऊन आवश्यकते नूसार व प्रसंगानारुप स्थानिक पातळीवरही खरेदी प्रक्रिया राबवावी.
> लसीचा पुरवठा ज्या ज्या प्रमाणात होईल त्यानुसार वरिष्ठ पातळीवरील आदेश मिळतील त्यानुसार लसीकरणाचे कामकाज व्हावे. > लसीकरणाच्या ठिकाणी गर्दी होऊ नये या बाबतचे नियोजन करण्यात यावे, त्याचबरोबर स्तनदा माता, गरोदर माता यांनाही लसीकरण करण्यात येणार असल्याने त्यांची माहिती संकलित करण्यात यावी.
>शासनाच्या निर्देशानुसार त्यांचेही लसीकरणाबाबतचे नियोजन करण्यात यावे.
> १८ ते ४४ वयोगटातील लसीकरण मोठ्या प्रमणात असल्याने याबाबतची नोंदणी प्रक्रियानुसारच लसीकरण करण्यात यावी.
> आरोग्य व संबधित विभागातील अधिकारी, डॉक्टर व इतर कर्मचाऱ्यांनी मुख्यालयाच्या ठिकाणी रहावे.

क्लिक करा आणि वाचा- क्लिक करा आणि वाचा-