‘सामना’ या वृत्तपत्रात नाणार रिफायनरीची जाहिरात प्रसिद्ध झाल्यानं प्रकल्प समर्थकांना एक प्रकारे बळ मिळाल्याचं बोललं जात होतं. मात्र, सिंधुदुर्गचे खासदार विनायक राऊत यांनी जाहिरातीसंबंधी स्पष्टीकरण दिलं आहे. वृत्तपत्रात प्रसिद्ध झालेली जाहिरात आणि शिवसेनेची प्रकल्पविरोधी भूमिका या दोन्ही गोष्टी भिन्न आहेत. प्रकल्प नकोच अशी शिवसेनेची भूमिका आहे, असं ते म्हणाले.
नाणार प्रकल्पाला शिवसेनेनं तीव्र विरोध केला होता. विधानसभा निवडणुकीपूर्वी तत्कालीन मुख्यमंत्री देवेंद्र फडणवीस कोकण दौऱ्यावर असताना, त्यांनी रिफायनरी प्रकल्प होऊ शकतो, असे संकेत दिले होते. मात्र, निवडणुकीनंतर शिवसेनेच्या नेतृत्वाखाली महाविकास आघाडीचं सरकार आल्यानंतर नाणार प्रकल्प गुंडाळणार असं वातावरण तयार झालं होतं. मात्र, शिवसेनेचे मुखपत्र असलेल्या दैनिकात प्रकल्पासंबंधी जाहिरात प्रसिद्ध झाल्यानं प्रकल्प समर्थकांना पुन्हा बळ मिळाल्याचं बोललं जात आहे. दुसरीकडे भाजपचे नेते नीतेश राणे यांनी प्रकल्पाबाबत शिवसेना घेत असलेल्या भूमिकेची खिल्ली उडवली. तर माजी आमदार प्रमोद जठार यांनी शिवसेना खासदार विनायक राऊत यांच्यावर टीकास्त्र सोडलं होतं. त्यावर नाणार रिफायनरीचे गाडलेले भूत उकरून काढणार नाही. शिवसेनेचा प्रकल्पाला विरोधच आहे. प्रकल्पाचे काही एजंट असं वातावरण तयार करत आहेत, असं राऊत म्हणाले.
भाजपा आमदार नितेश राणे यांनी प्रकल्पाबाबत शिवसेना घेत असलेल्या दुहेरी भूमिकेची खिल्ली उडवली तर माजी आमदार प्रमोद जठार यांनी अंगणवाडीची देवी प्रकल्पाला विरोध करणाऱ्या खासदार विनायक राऊत यांना सद्बुद्धी देवो असे वक्तव्य केले आहे. नाणार रिफायनरीचे गाडलेले भूत उकरुन काढणार नाही.. शिवसेनेचा प्रकल्पाला विरोधच आहे…प्रकल्पाचे काही दलालच असे वातावरण तयार करीत आहेत असे रत्नागिरी सिंधुदुर्गचे खासदार विनायक राऊत यानी म्हटले आहे. दरम्यान, उद्यापासून सिंधुदुर्ग जिल्ह्यात आंगणेवाडीच्या भराडी देवीच्या यात्रेला सुरुवात होत आहे. या यात्रेला मुख्यमंत्री उद्धव ठाकरे येणार आहेत, असं सांगितलं जातं. त्यावेळी प्रकल्प समर्थक मुख्यमंत्र्यांची भेट घेणार आहेत, अशी माहिती मिळते.
Ratnagiri News in Marathi, रत्नागिरी न्यूज़, Latest Ratnagiri News Headlines
