उत्तर बस्तर भागात ३१ मे रोजी रमेश टेकाम याच्यासह इतर १० ते १२ उपस्थित असल्याची माहिती सुरक्षा दलाला मिळाली. त्यानंतर कोंडागाव जिल्हा मुख्यालयातून एक टीम या माओवाद्यांचा शोध घेण्यासाठी रवाना झाली. त्यानंतर आज म्हणजे १ जून रोजी १२.३० वाजता पोलिस आणि माओवाद्यांमध्ये चकमक झाली. या चकमकीत २ माओवाद्यांचा खात्मा करण्यास सुरक्षा दलाला यश आलं आहे.
दोन जणांना ठार करण्यात यश आलं असलं तरीही आसपासच्या परिसरात आणखी काही माओवादी लपून बसल्याची सुरक्षा दलांना शंका आहे. या पार्श्वभूमीवर सुरक्षा दलाकडून अजूनही सर्च ऑपरेशन सुरू आहे.
घटनास्थळी घातक शस्त्रांसह बॅनर, पोस्टर, टेंट साहित्य, भांडी आणि इतर दैनंदिन उपयोगातील साहित्यही आढळून आलं.
‘चकमकीत आणखीही काही माओवादी जखमी झाल्याचा अंदाज असून सातत्याने इतर माओवाद्यांचा शोध घेण्यात येत आहे,’ अशी माहिती पोलीस महानिरीक्षक सुंदरराज पी. यांनी दिली आहे.
माओवाद्यांविरोधात जोरदार मोहीम
घातक कारवाया करणाऱ्या माओवाद्यांना ठार करण्यासाठी सुरक्षा दलाकडून मोठी मोहीम हाती घेण्यात आली आहे. ‘कोंडगाव आणि कांकेर या सीमावर्ती भागात माओवाद्यांच्या उपस्थितीची माहिती मिळाल्यानंतर सातत्याने मोहीम राबवण्यात येत आहे,’ अशी माहिती सुंदरराज पी. यांनी दिली आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
