गावी असलेल्या कुटुंबीयांना भेटून पुण्याला परत येत असताना स्लिपर कोच ट्रॅव्हल्स बसमध्ये एका आयटी कंपनीतील उच्च पदावर काम करणाऱ्या २७ वर्षीय तरुणीचा चालकाने विनयभंग केल्याचा धक्कादायक प्रकार उघडकीस आला आहे. या प्रकरणी विमानतळ पोलीस ठाण्यात गुन्हा दाखल करण्यात आला आहे.
पोलिसांत दाखल केलेल्या तक्रारीनुसार, पीडित तरुणी आपल्या कुटुंबीयांना भेटण्यासाठी गावी गेली होती. तेथून ती ट्रव्हल्स बसमधून पुण्याला येत होती. ही तरूणी आयटी कंपनीत उच्च पदावर काम करते. या तरुणीचा प्रवासादरम्यान बसचालक राजेंद्र शर्मा याने विनयभंग केला. ७ फेब्रुवारी रोजी ही घटना घडली. पीडित तरुणीनं या प्रकरणी लोणीकाळभोर पोलिसांकडे तक्रार दिली होती. पोलिसांनी चालक राजेंद्र शर्मा याच्यावर विनयभंगाचा गुन्हा दाखल केला आहे. त्यानंतर हे प्रकरण विमानतळ पोलिसांकडे वर्ग केले आहे. या घटनेचा पुढील तपास पोलीस करत आहेत.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
