महापौर किशोरी पेडणेकर यांनी एका मराठी वृत्तवाहिनीला दिलेल्या मुलाखतीचा व्हिडिओ आपल्या ट्विटर अकाउंटवर शेअर केला होता. या मुलाखतीत त्या मुंबईतील लसीकरणासंदर्भात बोलत होत्या. लसीकरणाच्या जागतिक निविदेला ९ कंपन्याचा प्रतिसाद मिळाला, असं त्यांनी या मुलाखतीत म्हटलं होतं.
महापौरांच्या या ट्वीटवर एका नेटकऱ्यानं त्यांना कोणत्या कंपनीला लस पुरवठ्याचं कंत्राट दिलं आहे?, असा प्रश्न केला. यावर महापौरांनी त्याला मराठीत उत्तर देत ‘तुझ्या बापाला’ असं लिहलं आहे. किशोरी पेडणेकर यांच्या या उत्तरावर नेटकरी चांगलेच संतापले आहेत.
किशोरी पेडणेकर यांनी काहीवेळातच हे ट्वीट डिलीट केलं आहे. मात्र, या ट्वीटचे स्क्रीनशॉट मात्र सोशल मीडियात व्हायरल झाले आहेत. तसंच, त्यांच्यावर टीकाही होत आहे.
भाजपची टीका
लशींचे कत्रांट कोणाला दिले?, असा प्रश्न विचारणाऱ्या मुंबईकराला तुझ्या बापाला असं उत्तर देणाऱ्या महापौर किशोरी पेडणेकर यांनी आपल्या पक्षसंस्कृतीचे दर्शन घडवलंय. ते ट्वीट महापौरांनी डिलीट केलं असलं तरी मुंबईच्या प्रथम नागरिकांची ती असभ्य अक्षरं कायमची कोरली गेलीच, असं ट्वीट भाजपनं केलं आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
