नवीन रुग्णांमध्ये शासकीय रुग्णालयांत आढळलेल्या १९, ग्रामीणला आढळलेल्या २६ अशा एकूण ४५ रुग्णांचा समावेश आहे. सध्याच्या स्थितीत सरकारी रुग्णालयात ३२८, खासगी रुग्णालयांत ८६५ असे म्युकर बाधित १ हजार ४१३ रुग्ण उपचार घेत आहेत. सुदैवाने गुरुवारी दगावलेल्यांमध्ये शासकीय रुग्णालयांत एकाचाही समावेश नाही.
गुरुवारी अखेरचा श्वास घेतलेले सगळे म्युकरबाधित खासगी रुग्णालयांत उपचार घेत होते. आजपर्यंत म्युकरचा विळखा पडल्यानंतर जिल्ह्यातील १९९ रुग्णांवर सरकारी रुग्णालयांत तर ७९६ रुग्णांवर खासगी दवाखान्यांमध्ये शल्यक्रिया झाल्या आहेत. तर आतापर्यंत ६२० जणांना बुरशीचा संसर्ग कम झाल्याने रुग्णालयातून सुटी देऊन घरी पाठविण्यात आले आहे. शासकीय रुग्णालयांत सध्या ३९९ तर खासगी रुग्णालयांत ४१४ असे एकूण जिल्ह्यात ८१३ म्युकरमायकोसिसचे रुग्ण दाखल होऊन उपचार घेत आहेत. एकूण रुग्णांपैकी शासकीय रुग्णालयांत गुरूवारी १० तर खासगी रुग्णालयात २७ रुग्ण दाखल झाले.
क्लिक करा आणि वाचा-
विभागातील रुग्ण संख्येतही वाढ
नागपूर पाठोपाठ विभागातील अन्य जिल्ह्यांमध्येही म्युकर मायकोसिसचा प्रकोप वाढत आहे. भंडारात गुरुवारपर्यंत वर्धेत ८८, १३, गोंदियात ३८ चंद्रपपुरात ८१ रुग्ण आढळून आले आहेत. नागपूर वगळता विभागात आजवर ९९५ रुग्णांच्या शस्त्रक्रिया झाल्या आहेत. सध्यस्थितीत नागपूर विभागात ८१३ रुग्णांवर उपचार सुरु असून, यापैकी ५५६ रुग्ण हे नागपूर जिल्ह्यातील आहेत.
क्लिक करा आणि वाचा- क्लिक करा आणि वाचा-
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
