मुंबई: गेल्या काही दिवसांपासून मुंबईत आगी लागण्याचं सत्र सुरूच असून आज पुन्हा एकदा अशीच दुर्घटना घडली. माझगावमध्ये जीएसटी भवनच्या इमारतीला मोठी आग लागली आहे. आगीचं वृत्त कळताच अग्निशमन दलाच्या २० गाड्या घटनास्थळी रवाना झाल्या असून आग आटोक्यात आणण्याचं काम सुरू आहे. आगीचं कारण अद्याप समजू शकलेलं नाही.
आग लागलेल्या इमारतीत जीएसटी कार्यालयाशिवाय सरकारच्या अन्य विभागाचीही कार्यालयं आहेत. इमारतीच्या नवव्या मजल्यावर ही आग लागल्याचं कळतं. आगीची माहिती मिळताच राज्याचे अर्थमंत्री अजित पवार पक्षाची बैठक सोडून तातडीनं घटनास्थळाकडं रवाना झाले आहेत.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
