वाचा:
मिळालेल्या माहितीनुसार, अॅड. यांचे रामनगर मध्ये तीन माळ्यांचे घर आहे. तळमजल्यावर कार्यालय आहे. गत काही दिवसांपासून घराचे काम सुरू आहे. कार्यालयातील एसी काढण्यात आला आहे. खिडकी मोकळी आहे. मंगळवारी रात्री याच खिडकीतून चोरटा कार्यालयात घुसला व ड्रॉव्हरमधील सहा जिवंत काडतुसे असलेली रिव्हॉल्व्हर व १५ हजार रुपये त्याने चोरी केले. आल्यामार्गाने चोरटा पसार झाला. पहाटे ५.३० वाजताच्या सुमारास परचुरे कार्यालयात आले असता त्यांना रिव्हॉल्व्हर व रोकड चोरीला गेल्याचे दिसले. याबाबत त्यांनी अंबाझरी पोलिसांना माहिती दिली. माहिती मिळताच अंबाझरी पोलिसांचा ताफा तेथे पोहोचला व पंचनामा करण्यात आला. पोलिसांनी याप्रकरणी घरफोडीचा गुन्हा दाखल केला असून पाच ते सहा संशयितांना ताब्यात घेण्यात आले आहे. पोलीस त्यांची कसून चौकशी करीत आहेत.
दरम्यान आनंद मनोहर परचुरे हे उपराजधानी नागपूरमधील प्रसिद्ध वकील आहेत. चोरट्याने त्यांच्या घरीच चोरी केल्याने खळबळ माजली आहे. यानिमित्ताने शहरातील कायदा-सुव्यवस्थेचा प्रश्न पुन्हा एकदा ऐरणीवर आला आहे.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
