विवाहबाह्य संबंधातून पत्नीचे गुप्तांग चिकटवले!

नैरोबी: विवाहबाह्य संबंधाच्या संशयावरून अनेकांचे संसार उद्धवस्त होतात. काहीजण गुन्हे करून तुरुंगात जातात. मात्र, केनियात अजबच प्रकार समोर आला आहे. असल्याच्या संशयावरून पतीने पत्नीचे गुप्तांग सुपर ग्लूने (वस्तू चिटकवण्याचा गम) चिकटवले. या प्रकरणी पोलिसांनी आरोपी पतीला बेड्या ठोकल्या आहेत.

केनियातील स्थानिक वृत्तसंस्थेने याबाबत वृत्त दिले आहे. आरोपी ३६ वर्षीय डेनिस मुमो कामाच्या निमित्ताने अधिक वेळा दौऱ्यावर असतो. आपल्या पत्नीचे चार परपुरुषांसोहत संबंध असल्याचा त्याला संशय होता. त्याने आपल्या पत्नीच्या मोबाइलमध्ये काही मेसेज आणि फोटो पाहिले होते. या संशयातून त्याने पत्नीला बळजबरीने बांधून ठेवले. त्यानंतर तिचे गुप्तांग सुपर ग्लूने चिकटवून ठेवले.

नैसर्गिक विधीसाठी जाताना पीडितेला प्रचंड त्रास होत होता. त्यावेळी तिला शेजाऱ्यांनी विचारपूस करत तिची सुटका केली. पीडित महिलेला रुग्णालयात उपचारासाठी दाखल करण्यात आले आहे. पीडित महिलेच्या गुप्तांगाला मोठ्या प्रमाणावर दुखापत झाली आहे. ही महिला गर्भधारणा करू शकणार नसल्याची भीती डॉक्टरांनी व्यक्त केली.

आरोपी डेनिस मुमो मानसिकदृष्ट्या आजारी असल्याचेही वृत्त आहे. जेव्हा शेजाऱ्यांनी मुमोला पकडण्याचा प्रयत्न केला तेव्हा त्याने शेजाऱ्यांना मारहाणही केली. आरोपी मुमोने पोलिसांसमोर आपला गुन्हा मान्य केला आहे. पोलिसांनी घरगुती हिंसाचारा अंतर्गत गुन्हा दाखल केला आहे.

दरम्यान, आरोपीच्या वकीलाने पीडित महिलेविरोधात फसवणूक केल्याप्रकरणी गुन्हा दाखल करून आर्थिक दंड करण्याची मागणी केली आहे. या महिलेचे विवाहबाह्य संबंध असून तिने आपले नग्न फोटो अन्य काहींना पाठवले असल्याचे आरोपीने पोलिसांनी सांगितले.

आणखी वाचा: