धक्कादायक! जालन्यात गतीमंद मुलीवर बलात्कार

जालना: राज्यात महिला आणि तरुणींवरील अत्याचाराच्या घटनांमध्ये वाढ झालेली असतानाच, जालना जिल्ह्यात एका २५ वर्षीय केल्याची धक्कादायक घटना उघडकीस आली आहे. या प्रकरणी अंबड पोलीस ठाण्यात गुन्हा अनोळखी व्यक्तीविरोधात गुन्हा दाखल करण्यात आला आहे.

अंबड तालुक्यात ही घटना घडली. तरूणी गरोदर असल्याचं ५ फेब्रुवारी रोजी वैद्यकीय चाचणीत स्पष्ट झालं. पोलिसांच्या माहितीनुसार, पीडित तरुणीची प्रकृती ठीक नसल्याचं तिच्या आजोबांच्या लक्षात आलं. त्यांनी तिला रुग्णालयात नेलं. त्यावेळी ती गरोदर असल्याचं सांगण्यात आलं. पीडित तरुणी ही गतीमंद आहे. तिच्या हतबलतेचा गैरफायदा घेऊन तिच्यावर बलात्कार करण्यात आला. तरुणी गरोदर असल्याचं कळताच कुटुंबीयांना धक्काच बसला. त्यांनी अबंड पोलीस ठाणे गाठून तक्रार दाखल केली. पोलिसांनी या प्रकरणी गुन्हा दाखल करून तपास सुरू केला आहे. दरम्यान, पीडित तरुणीला पुण्यातील एका रुग्णालयात दाखल करण्यात आलं होतं. पीडितेचा गर्भपात करण्याचा सल्ला डॉक्टरांनी तिच्या कुटुंबीयांना दिला. त्यानुसार, गर्भपात करण्यात आला, अशी माहितीही पोलिसांनी दिली.

(सर्वोच्च न्यायालयाच्या मार्गदर्शक तत्वांनुसार, संबंधित वृत्तामध्ये पीडितेचे नाव जाहीर करण्यात आलेले नाही.)