डेल्टा बनू शकते तिसऱ्या लाटेचे कारण
डेल्टा प्लस व्हेरिएंट हे करोना विषाणूचे बदललेले रूप आहे. हे रुप राज्यात करोनाच्या तिसऱ्या लाटेचे कारण बनण्याची शक्यता व्यक्त होत आहे. भारतात करोनाची दुसरी लाट निर्माण होण्याचे डेल्टा प्लस व्हेरिएंट हेच कारण होते. हा डेल्टा सर्वप्रथम भारतात आढळला होता. हा डेल्टा B1.617.2 हे म्यूटेशन आहे.
क्लिक करा आणि वाचा-
राज्यात सध्या डेल्टा प्लस व्हेरिएंटचे रत्नागिरीत ९, जळगावात ७. मुंबईत २ आणि पालघर, ठाणे आणि सिंधुदुर्गात प्रत्येकी १ रुग्ण आहे. प्रथम डेल्टा होता. मात्र नंतर डेल्टा प्लस आला. डेल्टाने त्याचे रुप बदलले आहे का, याचा आता बारकाईने अभ्यास सुरू झाला असल्याचे आरोग्यमंत्री राजेश टोपे यांनी म्हटले आहे. या अभ्यासासाठी राज्यातील ३७ जिल्ह्यातून दर महिन्याला १०० नमुने घेतले जात आहेत. यात त्याचा प्रवास कसा झाला… ज्यांना तो झाला त्यांचे लसीकरण करण्यात आलेले होते का.. अशा गोष्टी तपासल्या जात आहेत. यासाठी आम्ही केंद्राकडूनही मदत घेत आहोत, अशी माहिती राजेश टोपे यांनी दिली आहे. मात्र, यात घाबरण्याचे काही कारण नसल्याचे राजेश टोपे यांनी म्हटले आहे. मात्र ज्या ठिकाणी डेल्टाचे रुग्ण आहेत अशा ठिकाणी नवे नियम लागू करण्याची काही आवश्यकता नसल्याचेही टोपे यांनी म्हटले आहे.
क्लिक करा आणि वाचा-
दरम्यान, राज्यातील रायगड, रत्नागिरी, सिंधुदुर्ग, सातारा, सांगली, कोल्हापूर आणि हिंगोली या ७ जिल्ह्यांमध्ये करोना संसर्गाची स्थिती चिंताजनक आहे. या जिल्ह्यांमध्ये करोनाचा संसर्ग वेगाने वाढत असल्याचे दिसत आहे. म्हणूनच या जिल्ह्यांना विशेष काळजी घेण्याची आवश्यकता असल्याचे मुख्यमंत्री उद्धव ठाकरे यांनी म्हटले होते. त्यानंतर या जिल्ह्यांकडे प्रशसनाने विशेष लक्ष पुरवले आहे.
क्लिक करा आणि वाचा-
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
