पुण्यातील प्रसिद्ध बांधकाम व्यावसायिक परांजपे बंधूंना मुंबई पोलिसांनी चौकशीसाठी बोलावले होते. यांनी बनावट दस्तऐवज तयार करून फसवणूक केली अशी तक्रार मुंबई पोलिसांना प्राप्त झाली होती. वसुंधरा डोंगरे यांनी ही तक्रार दिली होती. त्यानंतर मुंबई पोलिसांनी त्यांना चौकशीसाठी बोलावले होते. बनावट दस्तावेज तयार करून फसवणूक आणि विश्वासघात करणे असे परांजपे बंधूवर आरोप करण्यात आले होते.
क्लिक करा आणि वाचा-
वसुंधरा डोंगरे यांच्या तक्रारीवरुन विलेपार्ले पोलीस ठाण्यात कलम ४७६, ४६७, ६८, ४०६, ४२० आणि १२० ब अंतर्गत ही कारवाई करण्यात आली होती. तक्रारदार या वारस असतानाही त्यांच्या कोणतीही माहिती न देता जमिनीची विक्री करण्यात आली. हा प्रकार समोर आल्यानंतर वसुंधरा डोंगरे यांनी रितसर पोलिसात तक्रार केली होती (Dispute in Pune famous Builder Paranjape brothers family over property issue)
क्लिक करा आणि वाचा-
परांजपे बंधूंचे ‘हे’ स्पष्टीकरण
विलेपार्ले पोलीस ठाण्यात गैरसमजुतीतून तक्रार दाखल केली होती. परांजपे कुटुंबीयांच्या मिळकतीतील हिश्श्यावरून ही तक्रार दाखल करण्यात आली होती, असे परांजपे कुटुंबीयांकडून सांगण्यात येत आहे. या संदर्भात श्रीकांत परांजपे, शशांक परांजपे आणि त्यांच्या चुलत भावंडांना त्यांची बाजू जाणून घेण्यासाठी मुंबईत बोलावण्यात आले होते. परांजपे कुटुंबातील सर्व सदस्य एकत्र आहेत, असे परांजपे स्कीम्स (कन्स्ट्रक्शन) लिमिटेडचे संचालक अमित परांजपे यांनी सांगितले आहे.
क्लिक करा आणि वाचा-
या प्रकरणी कुणालाही अटक करण्यात आलेली नसल्याचे पोलिसांनी अगोदरच स्पष्ट केले असल्याचे अमित परांजपे यानी सांगितले. हा विषय कौटुंबिक मिळकतीतील हिस्सेदारीशी संबंधित असून या प्रकरणाचा परांजपे स्किम्स या कंपनीशी आणि व्यवसायाशी काहीही संबंध नाही, असेही परांजपे यांनी सांगितले. माझे वडील शशांक परांजपे आणि काका श्रीकांत परांजपे यांची मुंबईत प्राथमिक चौकशी केली गेली. त्यानंतर पुण्यात परतले आहेत, अशी माहिती अमित परांजपे यांनी दिली.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
