हांजिन गावात ५ दहशतवादी लपल्याची माहिती पुलवामाच्या पोलिस अधीक्षकांना गुरुवारी संध्याकाळी उशिरा मिळाली होती. आर्मी, पोलिस आणि सीआरपीएफच्या जवानांनी दहशतवाद्यांना घेरलं. यावेळी दहशतवाद्यांनी गोळीबार सुरू केला. या गोळीबारत भारतीय लष्कराचा एक जवान गंभीर जखमी झाला. नंतर या जवानाने प्राण सोडला. रात्रीत परिसरातील नागरिकांना घरातून बाहेर काढण्यात आलं, असंस विजय कुमार यांनी सांगितलं.
अंधारामुळे दहशतवाद्यांविरोधातील कारवाई थांबवावी लागली. शुक्रवारी सकाळी पुन्हा कारवाई सुरू करण्यात आली. यावेळी झालेल्या चकमकीत ५ दहशतवाद्यांना कंठस्नान घालण्यात आलं. हे सर्व दहशतवादी या संघटनेचे होते. यातील एक रेहान नावाचा पाकिस्तानी दहशतवादी होता. हा पुलवामामध्ये सक्रीय होता. हे सर्व दहशतवादी श्रीनगर – पुलवामा हायवेवर हल्ल्याचा कट रचत होते. त्यांच्याकडून शस्त्रास्र आणि जिवंत काडतुसांसह काही कागदपत्र जप्त करण्यात आली आहेत, असं विजय कुमार म्हणाले.
उरीमध्ये अलिकडेच झालेल्या घुसखोरीबाबत मिळालेल्या माहितीच्या आधारावर पोलिसांनी तीन जणांना अटक केली आहे. यापैकी एक हा सोपोरचा आहे. या प्रकरणी एफआयआर दाखल करण्यात आली आहे. या प्रकरणी तपास सुरू असून सूत्रधाराचा शोध घेतला जात आहे, अशी माहिती विजय कुमार यांनी दिली.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
