धक्कादायक… १० मिनिटांतच दोन क्रिकेटपटू मैदानात कोसळले, थेट हॉस्पिटलमध्येच दाखल

नवी दिल्ली : क्रिकेट विश्वात एक धक्कादायक गोष्ट शुक्रवारी पाहायला मिळाली. कारण शुक्रवारी फक्त १० मिनिटांमध्येच दोन क्रिकेटपटू मैदानात कोसळल्याचे पाहायला मिळाले. या दोघांचीही प्रकृती एवढी गंभीर होती की, त्यांना थेट हॉस्पिटलमध्येच दाखल करण्यात आले.

नेमकं घडलं तरी काय, पाहा…वेस्ट इंडिज आणि पाकिस्तान यांच्यामध्ये सध्या महिलांची ट्वेन्टी-२० मालिका सुरु आहे. या मालिकेतील एक सामान शुक्रवारी सुरु झाला. या सामन्यात पाकिस्तानचा संघ फलंदाजी करत होता. त्यावेळी क्षेत्ररक्षण करणाऱ्या वेस्ट इंडिजच्या संघाबरोबर ही दुर्देवी घटना घडली. या सामन्यात फक्त १० मिनिटांत वेस्ट इंडिजच्या दोन खेळाडूंची प्रकृती बिघडली. या दोन्ही खेळाडूंची प्रकृती एवढी बिघडली की त्यांना मैदान सोडताना चालताही येत नव्हते. त्यामुळे त्यांच्यासाठी स्ट्रेचर मागवावे लागले आणि त्यांना थेट हॉस्पिटलमध्येच दाखल करावे लागले. वेस्ट इंडिजच्या या दोन खेळाडूंची नावं आलिया एलिन आणि चेडियन नेशन अशी आहेत. या दोघींची प्रकृती गंभीर असून त्यांच्यावर उपचार सुरु आहेत. पण या दोघींबाबत अजून कोणतीही माहिती पुढे आलेली नाही.