गेल्या तीन दिवसांपासून हल्लेखोर अमित हा फरार होता. पण अखेर पोलिसांनी त्याला अटक केली आहे. त्यामुळे हा हल्ला त्याने का केला? असं करण्यामागे कोणाचा हात आहे का? अशा प्रश्नांचा आता उलगडा होणार आहे. दरम्यान, घोंगडी बैठकीसाठी आमदार पडळकर सोलापुरात आले होते. सकाळी त्यांनी पत्रकार परिषदेत राष्ट्रवादीचे अध्यक्ष शरद पवार यांच्यावर खालच्या भाषेत टीका केली होती. सायंकाळी आमदार पडळकर हे शहरातील मड्डी वस्ती परिसरातील एसबीआय कॉलनी येथे आपल्या वाहनातून घोंगडी बैठकीला आले होते.
यावेळी त्यांच्या गाडीची काच फुटल्याचे समजले. कोणीतरी अज्ञात व्यक्तीने गाडीवर दगडफेक करून काच फोडल्याचे सांगण्यात येते. शरद पवारांवरील टिकेनंतर आमदार पडळकर यांच्या गाडीवर दगडफेक केल्याचे समजते. घटना समजताच जोडभावी पेठे पोलीस चौकीचे पोलीस पथक घटनास्थळावर दाखल झाले होते. कार्यकर्त्यांची मोठी गर्दी झाली होती.
यानंतर पोलिसांनी आमदार पडळकर यांच्यासोबत बंदोबस्त वाढवला. दगडफेक नेमकी कोण केली की अन्य कारणामुळे गाडीची काच फुटली याचा तपास पोलीस करत होते.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
