Live: 'इम्पिरिकल डेटासाठी ठराव केला तर त्यात मिरच्या झोंबण्यासारखं काय होतं?'

विधिमंडळाच्या दोन दिवसीय पावसाळी अधिवेशनाचं सूप वाजल्यानंतर मुख्यमंत्री हे पत्रकार परिषदेला संबोधित करत आहेत. या पत्रकार परिषदेतील ठळक मुद्दे:

लाइव्ह अपडेट्स:

• आरोग्य खात्याची कुठलीही पदं रिक्त ठेवायची नाहीत असा निर्णय सरकारनं घेतला आहे – उद्धव ठाकरे

• विरोधकांनी कितीही मागण्या केल्या तरी आम्ही लोकांच्या जिवाशी खेळणार नाही. सर्व परिस्थिती पाहून निर्बंधांचा निर्णय घेऊ – उद्धव ठाकरे

• ओबीसींना न्याय देण्यासाठी आम्ही ठराव केला तर बिघडलं काय? – उद्धव ठाकरे

• डेटामुळं आरक्षण मिळणार नाही असं तुमचं म्हणणं होतं तर ठीक आहे. ते नंतर बघता आलं असतं. तुम्ही पाठिंबा देऊन मोकळं व्हायचं होतं. इतकं आकांडतांडव करण्याची गरज काय होती?; मुख्यमंत्र्यांचा सवाल

• केंद्राकडून इम्पिरिकल डेटा मागवण्याचा ठराव विधानसभेत केला, त्यात चुकीचं काय? एवढ्या मिरच्या झोंबण्यासारखं काय आहे?; विरोधकांच्या गदारोळावर मुख्यमंत्र्यांची प्रतिक्रिया

• बाळासाहेब थोरात यांच्या ३७ वर्षांच्या कार्यकाळात पहिल्यांदाच त्यांनी हा अनुभव घेतला. तेही अवाक् झाले – उद्धव ठाकरे

• विधिमंडळात काल जे काही घडलं ते लाजिरवाणं होतं. ही महाराष्ट्राची संस्कृती नाही: मुख्यमंत्री

• मुख्यमंत्री उद्धव ठाकरे यांचा पत्रकार परिषदेत विरोधी पक्षावर निशाणा

• मुख्यमंत्री उद्धव ठाकरे यांची पत्रकार परिषद. उपमुख्यमंत्री , महसूलमंत्री बाळासाहेब थोरात यांची उपस्थिती

• विधिमंडळाच्या दोन दिवसीय पावसाळी अधिवेशनाचं सूप वाजलं