नवी दिल्ली : रॉजर फेडररला विम्ब्लडनचा सम्राट समजले जात होते. पण फेडररला आज विम्बल्डनच्या उपांत्यपूर्व फेरीतच पराभवचाा जोरदार धक्का बसला आहे.

पोलंडच्या हुबर्ट हुर्काझने विंबल्डनमधील सर्वात सनसनाटी निकाल नोंदविताना आठ वेळच्या विजेत्या रॉजर फेडररचे आव्हान ६-३, ७-६(७-५), ६-० असे संपुष्टात आणले. या विजयासह त्याने प्रथमच विंबल्डनच्या उपांत्य फेरीत प्रवेश केला.पोलंडच्या हुबर्ट हुर्काझने विंबल्डनमधील सर्वात सनसनाटी निकाल नोंदविताना आठ वेळच्या विजेत्या रॉजर फेडररचे आव्हान ६-३, ७-६(७-५), ६-० असे संपुष्टात आणले. या विजयासह त्याने प्रथमच विंबल्डनच्या उपांत्य फेरीत प्रवेश केला.

फेडरर आजचा सामना सहज जिंकेल, असे काही जणांना वाटले होते. पण फेडररला या सामन्यात तीन सेट्समध्ये सरळ पराभव पत्करावा लागला. पहिल्या सेटमध्ये फेडररकडून अपेक्षित खेळ झाला नाही. त्यामुळए त्याला पहिला सेट ३-६ असा गमवावा लागला. पण त्यानंतर दुसऱ्या सेटमध्ये फेडररने जोरदार पुनरागमन केले. फेडरर आणि हुबर्ट यांच्यात दुसऱ्या सेटमध्ये ६-६ अशी बरोबरी झाली होती. त्यामुळए हा सेट टायब्रेकरमध्ये गेला होता. त्यामुळे आता टाय ब्रेकरमध्ये नेमकं काय होणार, याची उत्सुकता सर्वांना होता. पण टाय ब्रेकरमध्ये हुबर्टने बाजी मारली आणि त्याने हा सेट ७-६ असा जिंकत सामन्यात २-० अशी बरोबरी केली.

तिसरा सेट हा फेडररसाठी करो या मरो असाच होता. कारण हा सेट गमावल्यावर त्याचा पराभव निश्चित होणार होता. त्यामुळे फेडरर आता या सेटमध्ये दमदार पुनरागमन करेल, असे सर्वांनाच वाटत होते. पण या गोष्टीच्या विपरीतच यावेळी पाहायला मिळाले. कारण तिसऱ्या सेटमध्ये एकही गेम फेडररला जिंकता आला नाही. तिसऱ्या सेटमध्ये हुबर्टने कमालच केली. हुबर्टने यावेळी बहारदार खेळ केला आणि फेडररला एकही गेम जिंकायला दिला नाही. त्यामुळे सरळ तीन सेट्समध्ये फेडररला पराभव पत्करण्याची ही वेळ आली. हुबर्टने मात्र हा सामना जिंकत स्पर्धेच्या उपांत्य फेरीत दिमाखदारपणे प्रवेश केला आहे.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here