जागतिक आरोग्य संघटनेने बुधवारी जाहीर केलेल्या साप्ताहिक अहवालानुसार, २८ जून ते ४ जुलै या आठवड्यात जगभरात करोनाच्या २६ लाख रुग्णांची नोंद झाली. हे प्रमाण आधीच्या आठवड्यापेक्षा किंचित जास्त आहे. मात्र, ५३ देशांच्या युरोपीय विभागात करोनारुग्णसंख्येत ३० टक्के एवढी मोठी वाढ नोंदवली गेली आहे.
वाचा:
वाचा:
ब्राझील, भारतात साथीला उतार
नवीन रुग्णांपैकी सर्वाधिक रुग्ण ब्राझील, भारत, कोलंबिया, इंडोनेशिया आणि ब्रिटनमध्ये आहेत. मात्र यापैकी ब्राझील व भारतात या आठवड्यात नवीन करोना रुग्णांची संख्या घटली आहे, तर उर्वरित तीन देशांत ती वाढली असल्याची माहिती जागतिक आरोग्य संघटनेने दिली आहे.
वाचा:
वाचा:
करोनाच्या डेल्टा वेरिएंटच्या संसर्गामुळे करोनाबाधितांची संख्या वाढत असल्याने चिंता व्यक्त करण्यात येत आहे. त्यातच आता लॅम्बडा वेरिएंटचाही फैलाव होत आहे. लॅम्बडा वेरिएंट ३० देशांमध्ये आढळला आहे. तर, डेल्टा वेरिएंट ९६ देशांमध्ये आढळला आहे. लॅम्बडा वेरिएंट कितपत घातक आहे, हे जाणून घेण्यासाठी अधिक संशोधनाची आवश्यकता असल्याचे तज्ज्ञांनी म्हटले.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
