'नारायण राणेंना पंतप्रधान केले, तरी शिवसेनेला दु:ख वाटण्याचे कारण नाही'

सिंधुदुर्ग: भाजप नेते (Narayan Rane)यांना केंद्रात मंत्रिपद मिळाल्यानंतर (Shiv Sena) विरुद्ध राणे असा सामना पाहायला मिळत आहे. शिवसेनेचे नेते आणि नारायण राणे आणि कुटुंबीय प्रतिक्रिया व्यक्त करत आहेत. राणे यांचे कट्टर विरोधक असलेले शिवसेनेचे यांनीही राणे उद्योगमंत्री झाल्यानंतर प्रतिक्रिया व्यक्त केली आहे. नारायण राणे यांना सूक्ष्म उद्योग मंत्री करा, अती वरिष्ठ मंत्री करा किंवा थेट पंतप्रधान करा, शिवसेनेला याचे दुःख वाटण्याचं कारण नाही, अशी प्रतिक्रिया खासदार विनायक राऊत (Vinayak Raut) यांनी व्यक्त केली आहे. भारतीय जनता पार्टीला नारायण राणे यांना केंद्रात मंत्रिपद द्यायचे होते, ते त्यांनी दिले आहे. आता तिथे सुखाने रहावे. त्या खुर्चीवर बसून पूर्वीच्या स्वभावाप्रमाणे कोणाला दुखवू नका, असा टोलाही राऊत यांनी राणे यांना लगावला आहे. (even if is made the prime minister, there is no reason for shiv sena to feel sad says shiv sena mp narayan rane)

नारायण राणे यांनी मंत्रिपदाचा कार्यभार स्वीकारल्यानंतर मुख्यमंत्री उद्धव ठाकरे यांच्याबाबत वक्तव्य केले होते. आपल्याला शुभेच्छा देण्याएवढे मुख्यमंत्र्यांचे मन मोठे नाही असे राणे यांनी म्हटले होते. त्यावर खासदार विनायक राऊत यांनी ही प्रतिक्रिया व्यक्त केली आहे.

क्लिक करा आणि वाचा-
नारायण राणे यांच्या वक्तव्यावर प्रतिक्रिया व्यक्त करताना खासदार राऊत म्हणाले की, राणे यांचा शिवसेनेकडे आणि विशेषत: मुख्यमंत्री उद्धव ठाकरे यांच्याकडे बघण्याचा दृष्टीकोन आजही बदललेला नाही आणि याच गोष्टीचे दुःख वाटते, असे म्हणतानाच नारायण राणे यांना भाजपने सूक्ष्म उद्योग मंत्री करावे, अती वरिष्ठ मंत्री करावे किंवा थेट पंतप्रधान करावे, याचे शिवसेनेला दुःख वाटण्याचे कारण नाही, असे राऊत म्हणाले.

क्लिक करा आणि वाचा-

काय म्हणाले होते नारायण राणे?
उद्योग मंत्रिपदाचा कार्यभार स्वीकारताना नारायण राणे यांनी उद्धव ठाकरे यांच्याबाबत प्रतिक्रिया व्यक्त केली होती. मला सगळ्यांनी शुभेच्छा दिल्या पण मुख्यमंत्री उद्धव ठाकरे यांनी शुभेच्छा दिल्या नाहीत. कारण महाराष्ट्राचा मुख्यमंत्री एवढ्या मोठ्या मनाचा नाही’, अशा शब्दांत राणे यांनी मुख्यमंत्री उद्धव ठाकरे यांच्यावर टीकास्त्र सोडले. त्यानंतर शिवसेनेचे नेते आणि नारायण राणे यांच्यासह राणेपुत्र खासदार नीलेश राणे आणि आमदार नितेश राणे यांनी प्रतिक्रिया व्यक्त केल्या. यात त्यांनी शिवसेनेवर प्रहार केले आहेत.

क्लिक करा आणि वाचा-