गुरुबाळ माळी,

एकमेकांना विरोध करण्याच्या नादात कोल्हापूर जिल्ह्यात काँग्रेसची दयनीय अवस्था झाली होती, एकेकाळी सर्व आमदार, खासदार हाताच्या चिन्हावर निवडून यायचे, पण एकमेकांच्या वादात हा आकडा शुन्यावर आला. आता मात्र विधानसभा निवडणुकीपासून हातात हात घालून नेत्यांनी काम सुरू केल्याने हात बळकट होत गेला. जिल्हा परिषेद निवडणुकीत तर राजेश पाटील यांच्या गळ्यात अध्यक्षपदाची माळ घालून हा हात नेत्यांनी अधिकळच बळकट केला. याचे खरे शिल्पकार ठरले ते पालकमंत्री आणि आमदार पी.एन. पाटील. (in now congress party has become strong again due to and )

जिल्ह्यात काँग्रेसमध्ये दुफळीची पंरपंरा चाळीस ते पन्नास वर्षापासूनची आहे. रत्नाप्पाण्णा कुंभार, श्रेष्ठी आण्णा, उदयसिंगराव गायकवाड, श्रीपतराव बोंद्रे, कल्लाप्पाणा आवाडे, सदाशिवराव मंडलिक, पी. एन. पाटील, महादेवराव महाडिक, जयवंतराव आवळे यांच्यापासून ते पालकमंत्री सतेज पाटील यांच्यापर्यंत सारेच या वादविवादात अडकले. या वादामुळे काँग्रेसचे बरेच नुकसान झाले. हे लक्षात येण्यास उशिर झाल्याने जिल्ह्यातील काँग्रेसला मोठे खिंडार पडले. यामुळे राष्ट्रवादी, भाजप आणि शिवसेनेचा शिरकाव वाढला.

वादाने पक्षाचे नुकसान होते हे जाणून पालकमंत्री सतेज पाटील यांनी बेरजेचे राजकारण सुरू केले. त्याला पी.एन. पाटील, जयवंतराव आवळे यांनी साथ दिली. यामुळे बघता बघता जिल्ह्यात पक्षाचे सर्वाधिक आमदार झाले. ज्या जिल्ह्यात सात वर्षापूर्वी एकही पक्षाचा आमदार नव्हता, त्या जिल्ह्यात आता सतेज पाटील, पी.एन. पाटील, राजूबाबा आवळे, जयंत आसगावकर , चंद्रकांत जाधव पाच आमदार दिसत आहेत. हे केवळ बेरजेच्या राजकारणानेच शक्य झाले. केवळ आमदार नव्हे तर जिल्हा परिषद, महापालिका, गोकुळ अशा महत्त्वाच्या संस्थांवर पक्षाचा झेंडा फडकला.

क्लिक करा आणि वाचा-
जिल्हा परिषद अध्यक्षपदाच्या निवडणुकीतही काँग्रेसच्या या बेरजेच्या राजकारणाने हात अधिक बळकट झाला. चाळीस वर्षे पक्षावर निष्ठा ठेवणाऱ्या पी.एन. पाटील यांना त्याचे फळ मिळाले. भाजपच्या मदतीने अध्यक्ष होण्यापेक्षा काँग्रेसच्या चिन्हावर अध्यक्ष होण्याचा त्यांचा आग्रह कामी आला. यातून आगामी जिल्हा बँक, विधान परिषदेसह इतर अनेक निवडणुकीचे समीकरण सोपे झाले आहे. गेली काही वर्षे पालकमंत्री पाटील आणि पी.एन. यांच्यात अंतर्गत संघर्ष सुरू होता. गोकुळची निवडणूक दोघेही एकमेकांच्या विरोधात लढले. हा त्याचा मोठा पुरावा होता. पण सहकाऱ्याचा हात पुढे करत नेत्यांनी संमजस्यपणा दाखविल्याने जिल्हा परिषदेवर पी.एन. पाटील यांच्या सूपुत्राच्या रूपाने काँग्रेसचा झेंडा फडकला. हे करताना राष्ट्रवादीलाही या पदाच्या आग्रहापासून अलगद बाजूला करण्यात आले.

क्लिक करा आणि वाचा-
राज्यात महाविकास आघाडी सत्तेवर येण्यापूर्वी कोल्हापुरात हा प्रयोग करण्यात आला. महापालिका आणि जिल्हा परिषदेत तो यशस्वी झाला. दोन्हीकडे काँग्रेस, राष्ट्रवादी आणि शिवसेनेचा झेंडा फडकला. या निवडणुकीच्या निमित्ताने महाविकास आघाडीही भक्कम झाली आहे. राष्ट्रवादीला उपाध्यक्षपद आणि शिवसेनेला तीन सभापतीपदे मिळाल्याने सर्वांच्याच गळ्यात पदांची माळ पडली आहे. यामुळे सर्वच पक्षाचे नेते खुष आहेत.

क्लिक करा आणि वाचा-
पी. एन. पाटील यांचे नाव राज्याच्या मंत्रीपदाच्या यादीत अनेकदा चर्चेला आले. पण त्यांना संधी मिळाली नाही. आता मात्र त्यांच्या सूपुत्राला राज्यमंत्रीपदाचा दर्जा मिळाला आहे. पुढील वर्षी जिल्हा परिषद सभागृहाची मुदत संपत आहे. यामुळे पुन्हा काँग्रेसची सत्ता आणण्याची जबाबदारी सर्वच काँग्रेस नेत्यांवर आली आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here