ममता बॅनर्जी म्हणाल्या, 'मी माझ्या फोनला प्लास्टार लावले आहे, आपण…'

नवी दिल्लीः पश्चिम बंगालच्या मुख्यमंत्री ममता बॅनर्जींनी ( ) आक्रमक पवित्रा घेतला आहे. ‘खेला होबे’ ची घोषणा यांनी आता त्या राष्ट्रीय स्तरावर घेऊन आल्या आहेत. आता सर्व राज्यांमध्ये ‘खेला होबे’. देशात भाजप संपत नाही तोपर्यंत हे सुरू राहील. भाजपचा पराभव करण्यासाठी राष्ट्रीय मोर्चा बनवण्याचं आवाहन, ममतांनी विरोधी पक्षांना केलं आहे.

ममता बॅनर्जींनी बुधवारी २०२४ च्या लोकसभा निवडणुकीचा बिगुल वाजवला आहे. आपल्या समर्थकांना त्यांनी ऑनलाइन संबोधित केलं. यावेळी ममतांनी भाजपवर चौफेर हल्ला केला. तसंच राष्ट्रीय राजकारणात महत्त्वाची भूमिका बजावणार असल्याचे संकेतही दिले. राजकीय पक्षांनी आपली संकुचित विचारसरणी सोडून एकजूट होण्याचं आवाहन ममतांनी यावेळी केलं.

आज आपलं स्वातंत्र्य धोक्यात आहे. भाजपने आपलं स्वातंत्र्य धोक्यात आणलं आहे. भापला आपल्याच मंत्र्यांवर विश्वास नाही आणि यंत्रणांचा दुरुपयोग करते. आमचे फोन टॅप केले जातात. पेगासस खतरनाक आणि क्रूर आहे. मी कोणाशी बोलूही शकत नाही. हेरगिरीसाठी पैसा ओतत आहेत. मी माझ्या फोनला प्लास्टर लावले आहे. आपण केंद्र सरकारवरही प्लास्टर लावले पाहिजे अन्यथा संपूर्ण देश उद्ध्वस्त होईल. भाजपने संघराज्य रचना ढासळली आहे, असा आरोप ममता बॅनर्जींनी केला.