लखनऊः सोशल मीडियावर काँग्रेस नेते ( ) यांचा एक व्हिडिओ व्हायरल होत आहे. ज्यात राहुल गांधी हे आपल्याला यूपीचे आंबे आवडत नाहीत, असं पत्रकारांना सांगत आहेत. आपल्याला आंध्र प्रदेशचे आंबे आवडतात. हा. लंगडा आंबा ठीक आहे. पण दशहरी जास्त गोड आहे, असं राहुल गांधी म्हणाले. यावर भाजप खासदार रवि किशन यांच्यानंतर आता यूपीच मुख्यमंत्री ( ) यांनी राहुल गांधींना हल्लाबोल केला आहे. राहुल गांधींची टेस्टच फुटीरतावादी आहे, असं योगी म्हणाले.
तुमची टेस्टच फूट पाडणारी आहे. तुमचे फुटीरतावादी संस्कार देशाला परिचित आहेत. आपले विभाजनवादी कुसंस्कार इतके प्रभावी आहेत की फळांच्या चवीलाही त्यांनी प्रादेशिक वादाच्या आगीक खेचलंय. पण काश्मीर ते कन्याकुमारीपर्यंत भारताचा स्वाद एकच आहे. हे लक्षात घेतलं पाहिजे, असं योगी आदित्यनाथ यांनी ट्वीटमध्ये म्हटलंय.
यूपीला काँग्रेस आवडत नाहीः रवी किशन
योगी आदित्यनाथ यांच्याआधी गोरखपूरचे भाजप खासदार रवी किशन यांनीही राहुल गांधींवर पलटवार केला. त्यांनी राहुल गांधींचा व्हिडिओ ट्वीट करत निशाणा साधाला. ‘राहुल गांधींना उत्तर प्रदेशचे आंबे आवडत नाहीत आणि उत्तर प्रदेशला काँग्रेसला आवडत नाही, हिशेब बरोबर’, असं रवी किशन म्हणाले.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
