कमॉडिटी बाजारात शुक्रवारी सोने आणि चांदीमधील घसरण झाली. शुक्रवारी एमसीएक्सवर सोन्याचा भाव १०८ रुपयांच्या घसरणीसह ४७५२६ रुपयांवर स्थिरावला. तर चांदीमध्ये ३२४ रुपयांची घसरण झाली. एक किलो चांदीचा ६७०५० रुपयांवर बंद झाला. आठवडाभरात सोन्याचा भाव ४७००० खाली गेला होता.
Goodreturns या वेबसाईटनुसार आज शनिवारी मुंबईत २२ कॅरेट सोन्याचा भाव ४६८७० इतका आहे तर २४ कॅरेटचा भाव ४७८७० रुपये इतका आहे. दिल्लीत आजचा २२ कॅरेट सोन्याचा भाव ४६८५० रुपये झाला आहे. २४ कॅरेटसाठी सोन्याचा भाव ५१११० रुपये झाला आहे. आज चेन्नईत २२ कॅरेटसाठी ४५०६० रुपये तर २४ कॅरेट सोन्याचा भाव ४९१६० रुपये आहे. कोलकात्यात आज २२ कॅरेट सोन्याचा भाव ४७२५० रुपये असून २४ कॅरेट सोन्याचा भाव ४९९५० रुपये आहे.जागतिक पातळीवर मात्र सोने दरात किंचित घसरण आहे. स्पॉट गोल्डचे दर ०.४ टक्क्यांनी घसरले व १८०३ डॉलर प्रति औसांवर स्थिरावले.
सध्या सोन्याचा भाव कमी असला तरी त्यात खरेदीची संधी आहे. युरोप, अमेरिका आणि दक्षिण पूर्व आशियात कोव्हीड-१९ चा धोका कायम आहे. त्यामुळे नजीकच्या काळात सोने पुन्हा सुरक्षित गुंतवणूक म्हणून उदयास येईल, असे जाणकारांचे म्हणणे आहे. त्यामुळे सोन्याचा भाव जितका कमी होईल त्यापातळीवर सोने खरेदी चांगली असल्याचे तज्ज्ञांनी म्हटले आहे. दिवाळीपर्यंत सोने ५२५०० रुपये प्रती १० ग्रॅम इतक्या स्तरावर जाईल , असा अंदाज त्यांनी व्यक्त केला आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
