मुख्यमंत्री आणि उपमुख्यमंत्री यांच्या उपस्थितीला आमची हरकत नाहीए. त्यांचा आम्ही सन्मान करतो. पण राजकीय कार्यक्रम नाहीए. शिक्षण, शाळा आणि विद्यार्थी केंद्रीत हा कार्यक्रम आहे. त्यावर आम्ही लक्ष देणार आहोत, असं अमेरिकी दुतावासाने ट्विटमध्ये म्हटलं.
मिलेनिया यांच्या कार्यक्रमाचे निमंत्रण न दिल्याने दिल्ली सरकारमध्ये नाराजी होती. अमेरिकेच्या फर्स्ट लेडी दिल्लीच्या शाळेला भेट देणार आहे. दिल्ली सरकार, दिल्ली सरकारचे शिक्षक आणि विद्यार्थ्यांसाठी ही अभिमानाची गोष्ट आहे. मिलेनिया यांचे मुख्यमंत्री आणि उपमुख्यमंत्र्यांनी स्वागत केले असते. तसंच त्यांना हॅपिनेस क्लासबद्दल माहिती देता आली असती तर अधिक आनंद झाला असता, असं अमेरिकी दुतावासाने भूमिका स्पष्ट केल्यानंतर मनिष सिसोदिया म्हणाले. शाळेच्या भेटीदरम्यान मिलेनिया यांच्यासोबत मुख्यमंत्री आणि उपमुख्यमंत्री यांच्या येण्यावरून अमेरिकी दुतासावासाने काही चिंता व्यक्त केलीय. तरीही आम्ही त्यांचा सन्मान करतो. मिलेनियाचे मनापासून स्वागत आहे, असं सिसोदिया म्हणाले.
केजरीवाल यांना न बोलवण्यावरून काँग्रेस नेते शशी थरूर यांनी केंद्र सरकारवर निशाणा साधला आहे. मोदी सरकार निमंत्रणावरून खालच्या पातळीचं राजकारण करत आहे. हे लोकशाहीच्या दृष्टीने योग्य नाही, असं थरूर म्हणाले.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
