'गणपतराव देशमुख यांची प्रकती स्थिर, अफवांवर विश्वास ठेवू नका'

सोलापूर- ( सूर्यकांत आसबे ) – शेतकरी कामगार पक्षाचे ज्येष्ठ नेते व सांगोल्याचे ९४ वर्षीय माजी आमदार गणपतराव अण्णासाहेब देशमुख यांची प्रकृती स्थिर आहे. कोणत्याही अफवांवर विश्वास ठेऊ नये, असे आवाहन गणपत आबांचे नातू डॉक्टर अनिकेत देशमुख यांनी केले आहे. माजी आमदार हे प्रकृती बिघडल्यामुळे सोलापुरातील अश्विनी रुग्णालयात उपचार घेत आहेत. त्यांच्यावर पित्ताशयाच्या खाद्याची शस्त्रक्रिया झाली असून शस्त्रक्रियेनंतर प्रकृती ठीक असून त्यांना व्हेंटिलेटरवर ठेवण्यात आले असल्याची माहिती हॉस्पिटलचे प्रशासकीय अधिकारी डॉक्टर विश्वनाथ मेरकर यांनी सांगितले. (senior leader ganapatrao deshmukh condition is stable don’t believe rumors said his grandson dr. presented by aniket deshmukh)

गणपतरावांनी ५० वर्षाहून अधिक काळ सांगोला मतदारसंघाचे आमदार म्हणून लोकांची सेवा केली असून या काळात ११ वेळा निवडून येण्याचा विक्रम त्यांनी केला आहे.

क्लिक करा आणि वाचा-
गणपतराव देशमुख सन १९६२ साली सांगोला विधानसभा मतदारसंघातून पहिल्यांदा निवडून आले. त्यानंतर १९७२ आणि १९९५ च्या दोन निवडणुका वगळता उर्वरित सर्वच निवडणुकांमध्ये सांगोल्याच्या जनतेने त्यांना निवडून दिले.

क्लिक करा आणि वाचा-
विधानसभेत कायम विरोधकांची भूमिका बजावणारे गणपतराव देशमुख सन १९७८ साली शरद पवार यांचे पुलोदचे सरकार स्थापन केल्यानंतर मंत्रिमंडळात सामील झाले. त्यानंतर दुसऱ्यावेळी सन १९९९ साली काँग्रेस आघाडी सरकारने सत्ता स्थापन केल्यानंतर त्यांचा मंत्रिमंडळात समावेश झाला होता.

क्लिक करा आणि वाचा-