बुधवारी २८ जुलै रोजी ही घटना घडली आहे. याची माहिती मिळताच अहमद खोत यांनी दापोली पोलीस ठाण्यात घटना सांगितली. पोलिसांनी घटनास्थळी धाव घेत मृतदेह ताब्यात घेतला असल्याची माहिती आहे. पोलिसांनी दिलेल्या माहितीनुसार, सदर इसमाचा चेहरा कुजल्याने ओळख पटवण्यास अडचण निर्माण होत आहे. मृतदेहाच्या अंगावर फक्त मा. आमदार संजयराव कदम राष्ट्रवादी काँग्रेस असे लिहिलेला टी-शर्ट असल्याची माहिती दापोली पोलीस स्थानकातून देण्यात आली आहे.
या घटनेची नोंद सी.आर.पी.सी.१७४ प्रमाणे दापोली पोलीस स्थानकात करण्यात आली आहे. पुढील तपास सहाय्यक पोलीस निरीक्षक हळदे करत आहेत. दरम्यान, पोलिसांनी मृतदेह ताब्यात घेतला असून तो शवविच्छेदनासठी नजिकच्या स्थानिक रुग्णालयात पाठवण्यात आला आहे. तर पोलीस अधिक तपास करत असल्याची माहिती आहे.
Ratnagiri News | रत्नागिरी बातमी | Ratnagiri News in Marathi | Ratnagiri Local News – Maharashtra Times
