म. टा. प्रतिनिधी,

मांजरी खुर्दच्या स्मशानभूमीजवळ उसन्या पैशाच्या वादातून एका व्यक्तीवर कोयत्याने वार करून खून केल्याची घटना रविवारी रात्री घडली. या प्रकरणी लोणीकंद पोलिस ठाण्यात पाच जणांवर खुनाचा गुन्हा दाखल करण्यात आला आहे.

विकास लक्ष्मण सोनवणे (वय ३२, रा. मांजरी खुर्द, ता. हवेली) असे खून झालेल्या व्यक्तीचे नाव आहे. या प्रकरणी माऊली सोमनाथ मुरकुटे (वय २९, रा. इंदिरानगर, मांजरी खुर्द) यांनी तक्रार दिली आहे. त्यानुसार हेमंत मोरे, गोविंद बनसोडे, सोन्या मोरे, शुभम गायकवाड, नाना महाले (रा. सर्व मांजरी खुर्द) यांच्यावर खुनाचा गुन्हा दाखल करून दोघांना अटक करण्यात आली आहे. पोलिसांनी दिलेल्या माहितीनुसार, सोनवणे व मुरकुटे नातेवाईक आहेत. रविवारी रात्री दोघेही दुचाकीवरून एका मित्राच्या घरी पूजेसाठी गेले होते. त्यावेळी अमोल गायकवाड याने सोनवणे यांना फोन केला. ‘हेमंत मोरे व माझी भांडणे झाली आहेत. मोरे हा उसणे दिलेले पैसे देत नाही. तू लवकर ये’ असे गायकवाड यांनी फोनवर सांगितले. त्यानंतर तत्काळ सोनवणे व तक्रारदार तिकडे गेले. हेमंत मोरे, गोविद बनसोडे हे रस्त्यात भेटले. त्यांनी हा विषय मिटवून टाकू म्हणून सर्वजण स्मशानभूमीजवळ गेले.

वाचा:

त्या ठिकाणी उसण्या पैशावरून त्यांच्यात वादावादी सुरू झाली. त्यावेळी मुरकुटे यांनी वाद मिटविण्याचा प्रयत्न केला. पण, मोरे याने त्यालाच मध्ये बोलू नको असे दमदाटी केली. वाद वाढल्यानंतर आरोपींनी कोयते आणून विकास सोनवणे यांच्यावर कोयत्याने वार केले. त्यावेळी मुरकुटे यांनी अडविण्याचा प्रयत्न केला असता त्यांना देखील जखम झाली. त्यानंतर आरोपींनी कोयत्याने व दगडाने वार करून त्यांचा खून केला. मुरकुटे व इतरजण घाबरून पळून गेले. त्यांनी इतरांना बोलवून घेतले. तसेच, घटनेची माहिती पोलिसांना दिली. पोलिसांनी तत्काळ सोनवणे यांना हॉस्पिटलमध्ये दाखल केले. पण, उपचारापूर्वीच त्यांचा मृत्यू झाला होता. या प्रकरणी लोणीकंद पोलिसांनी खुनाचा गुन्हा दाखल करून पाच जणांस अटक केली आहे.

मंगळवार पेठेतही खुनाची घटना

मंगळवार पेठेतील फुटपाथवर एका अज्ञात व्यक्तीच्या डोक्या काठीने मारहाण करून खून केल्याची घटना समोर आली आहे. खून झालेल्या व्यक्तीची ओळख पटलेली नाही. शाहीर अमर शेख चौकातील रेल्वे कॉलनीच्या बाजूला असलेल्या फूटपाथवर पाच दिवसांपूर्वी मध्यरात्री या व्यक्तीच्या डोक्यात मारहाण केल्यामुळे त्यांचा मृत्यू झाला आहे. या प्रकरणी फरासखाना पोलिस ठाण्यात खुनाचा गुन्हा दाखल करण्यात आला आहे.

वाचा:

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here