जालना जवळील घाणेवाडी तलावाच्या मांडव्याकडील बाजूने रोहित खंडागळे हा नेहमीप्रमाणे गुरे चारत होता. सध्या तलावात मोठ्या प्रमाणात पाणी असूनवरील बाजूने गाळ उपसा झाल्याने ठिकठिकाणी खोल खड्डे पडलेले आहेत. गुरे चारत असताना तलावाच्या काठावर असलेल्या रोहितचा पाय घसरून तो पाण्यात पडला. रोहित पाण्यात बुडत असताना सोबतच्या मुलांनी आरडाओरडा करत आजूबाजूला मदत मागितली.
मुलांचा आवाज ऐकून जवळच शेतात काम करत असलेले रोहितचे काका परमेश्वर खंडाळे हे धावत घटनास्थळी आले. त्यानी रोहितला वाचवण्यासाठी तलावात उडी टाकली. पाण्यात असताना घाबरलेल्या रोहितने परेश्वर यांच्या गळ्याला घट्ट मिठी मारली. रोहितनं घट्ट पकडून ठेवल्यामुळं परमेश्वर यांना कोणतीही हालचाल करता आली नाही. त्यामुळे दोघेही पाण्यात बुडाले व त्यांचा मृत्यू झाला.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
