तिसऱ्या सामन्यात बांगलादेशची २ बाद ३ अशी दयनीय अवस्था झाली होती. पण त्यानंतर महमुदुल्लाहने यावेळी संघाचा डाव सावरला. महमुदुल्लाहला यावेळी बांगलादेशच्या अन्य फलंदाजांकडून जास्त चांगली साथ मिळाली नाही. पण तरीही महमुदुल्लाहने हार मानली नाही आणि त्याने अर्धशतकी खेळी साकारली. महमुदुल्लाहने यावेळी चार चौकारांच्या जोरावर ५२ धावांची खेळी साकारली. महमुदुल्लाहच्या अर्धशतकाच्या जोरावर प्रथम फलंदाजी करताना १२७ धावा केल्या. ऑस्ट्रेलियाकडून नॅथन एलिसने यावेळी तीन विकेट्स घेतल्या, तर जोश हेझलवूड आणि अॅडम झाम्पा यांनी प्रत्येकी दोन विकेट्स मिळत त्याला चांगली साथ दिली.
ऑस्ट्रेलियासाठी १२८ धावांचे हे माफक आव्हान असल्याचे दिसत होते. कारण ऑस्ट्रेलियाला यावेळी सहाच्या धावगतीने खेळायचे होते. पण बांगलादेशला यावेळी दुसऱ्याच षटकात मॅथ्यू वॅडच्या रुपात पहिला धक्का बसला, त्यावेळी ऑस्ट्रेलियाची स्थिती १ बाद ८ अशी झाली होती. पण त्यानंतर बेन मॅकडरमॉट आणि मिचेल मार्श यांची चांगली भागीदारी रचल्याचे पाहायला मिळाले. या दोघांनी यावेळी ६३ धावांची भागीदारी रचली. पण यावेळी बेन बाद झाला आणि ही जोडी फुटली. बेनने यावेळी ३५ धावा केल्या. बेन बाद झाल्यावर मार्शने धडाकेबाज फलंदाजी सुरु ठेवत आपले अर्धशतक साकारले. पण अर्धशतक झळकावल्यावर तो लवकरच बाद झाला. मार्शने यावेळी सहा चौकार आणि एका षटकाराच्या जोरावर ५१ धावा केल्या. मार्श बाद झाल्यावर ऑस्ट्रेलियाच्या हातून हा सामना निसटल्याचे पाहायला मिळाले. बांगलादेशच्या गोलंदाजांनी अखेरच्या षटकांमध्ये भेदक मारा केला. त्यामुळे ऑस्ट्रेलियाला २० षटकांमध्ये ११७ धावा करता आल्या आणि बांगलादेशने १० धावांनी विजय साकारला. बांगलादेशने पाच सामन्यांच्या मालिकेत तिसरा सामनाही जिंकला आहे, त्यामुळे त्यांनी या मालिकेत ३-० अशी विजयी आघाडी घेतली आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
