ट्रेंट ब्रिज : पहिल्या कसोटी सामन्यात भारतीय संघ विजयासमीप पोहोचला आहे. कारण भारतीय संघाची आता १ बाद ५२ अशी भक्कम अवस्था आहे आणि जिंकायला अजून १५७ धावांची गरज आहे. भारतीय संघ आज पाचव्या दिवशी सहज विजय मिळवले, असे चित्र दिसत होते. पण भारताच्या विजयाच्या मार्गात आता पाऊस व्हिलन ठरत असल्याचे पाहायला मिळत आहे.

सामना कधी सुरु होणार, जाणून घ्या…सध्याच्या घडीला ट्रेंट ब्रिज येथे जोरदार पाऊस सुरु आहे. पण खेळपट्टी आणि मैदान यावेळी झाकलेले आहे. त्यामुळे पावसाचा जास्त परीणाम या सामन्यावर होणार नाही. पाऊस थांबल्यावर २०-२५ मिनिटांत मैदानातील सर्व पाणी उपसण्यात येईल आणि त्यावेळी दोन्ही पंच मैदानाची पाहणी करतील. त्यावेळी सामान नेमका कधी सुरु करायचा, हा निर्णय घेतला जाईल.

भारतीय संघाला विजयासाठी यजमान इंग्लंडच्या संघाने २०९ धावांचे आव्हान शनिवारी दिले होते. यावेळी भारताच्या रोहित शर्मा आणि लोकेश राहुल यांनी दमदार सुरुवात केली. राहुलने पहिल्या डावात ८४ धावांची खेळी साकारली होती, त्यामुळे या डावातही तो मोठी खेळी साकारेल, असे वाटत होते. पण यावेळी स्टुअर्ट ब्रॉडने राहुलला बाद केले, राहुलने या डावात सहा चौकारांच्या जोरावर २६ धावा केल्या. भारतीय संघाने चौथ्या दिवसाचा खेळ संपला तेव्हा १ बाद ५२अशी धावसंख्या उभारली आहे. त्यामुळे उद्या पाचव्या दिवशी सामना जिंकण्यासाठी त्यांना १५७ धावांची गरज आहे. हे आव्हान माफक वाटत असले तरी आता पावसामुळे खएळ कधी सुरु होईल हे सांगता येत नाही.

शनिवारचा दिवस गाजवा तो जसप्रीत बुमराने. कारण बुमराने यावेळी इंग्लंडच्या पाच फलंदाजांना बाद करत त्यांचे कंबरडे मोडले. बुमराला यावेळी मोहम्मद शमी, शार्दुल ठाकूर आणि मोहम्मद सिराज यांनी चांगली साथ मिळाली. पण इंग्लंडचा कर्णधार जो रुट यावेळी भारताच्या विजयाच्या मार्गात उभा राहील्याचे पाहायला मिळाले. कारण एकिकडे इंग्लंडचे फलंदाज ठराविक फरकाने बाद होत असले तर रुटने मात्र शतक झळकावत इंग्लंडचा डाव सावरण्याचा प्रयत्न केला. रुटच्या शतकाच्या जोरावरच इंग्लंडला यावेळी तिनशे धावांचा टप्पा ओलांडता आला. रुटने यावेळी १४ चौकांच्या जोरावर १०९ धावांची दमदार खेळी साकारली, पण त्याचा अपवाद वगळला तर इंग्लंडच्या एकाही फलंदाजाला यावेळी अर्धशतक पूर्ण करता आले नाही. बुमराने यावेळी भेदक मारा करत ६४ धावांमध्ये पाच फलंदाज बाद केले

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here