आमच्या खात्याची प्रतिमा मलीन केल्या प्रकरणी व्हिडिओ व्हायरल करणाऱ्या चालकाचा निषेध बुलडाणा एआरटीओ गोपाल वरोकार यांनी व्यक्त केला. व्हायरल व्हिडिओमध्ये दिसणाऱ्या मोटार वाहन निरीक्षकाचे राजेंद्र निकम असे नांव आहे.
फिरते वाहन तपासणी पथकामध्ये ऑगस्ट महिन्यात मोटार वाहन निरीक्षक राजेंद्र निकम यांची ड्युटी असतांना 6 ऑगस्ट रोजी दुपारी 12 वाजेच्या सुमारास वाहन तपासणी दरम्यान त्यांनी एम एच.28 एच.8036 क्रमांकाची तीनचाकी मालवाहू ऑटो रिक्षा तपासणी केली. या दरम्यान त्याच्याकडे फिटनेस, इंशोरन्स, लायसन्स, रिफ्लेक्टर आणि पियुसीचे कोणतेही कागदपत्रे आढळून आले नाही. या ऑटो रिक्षा धारक शेख रहेमान याला मोटार वाहन निरीक्षक राजेंद्र निकम यांनी सदर ऑटो रिक्षाला चलान करीत 9 हजार 700 रुपयांचा दंड ठोठावला.
वाहनधारकाला दंड त्याठिकाणी भरण्यासाठी विचारले असता आकारलेला 9 हजार 700 रुपयांचा दंड ऑटो रिक्षा धारकाने जागेवर मोटार वाहन निरीक्षक राजेंद्र निकम यांच्याकडे भरण्यात आला. यावेळी निकम यांनी आपल्या जवळील पॉस मशिनद्वारे ऑनलाइन दंड भरून घेतले. दरम्यान, दंड भरतेवेळी पैसे मोजत असल्यावर आणि मोटार वाहन निरीक्षक राजेंद्र निकम यांना पैसे देत असल्यावर केंद्र करीत व्हिडीओ तयार करून तो सोशल मीडियावर व्हायरल करण्यात आला.
हा व्हिडीओ पाहणाऱ्याला वाटतो की, मोटार वाहन निरीक्षक लाचेचे पैसे घेत आहे. यामुळे हा खोडसाळपणा असून लोकांची दिशाभूल करण्याचा प्रयत्न आहे. आमच्या खात्याची प्रतिमा मलीन करण्याचा या चालकाने प्रयत्न केलेला आहे. हे अत्यंत चुकीचा आहे.त्यामुळे याचा मी निषेध व्यक्त करीत असल्याची प्रतिक्रिया बुलडाणा एआरटीओ गोपाल वरोकार यांनी व्यक्त केली आहे.
नियमाने काम करीत असतांना व्हिडीओ व्हायरल केल्याबाबतीत निश्चितच हा प्रकार विभागाच्या समोर, वरिष्ठांच्या समोर ठेवू, त्यांच्याकडण तसे निर्देश प्राप्त होतील. त्यानुसार त्या चालकांवर आम्ही कारवाई करू असा इशारा बुलडाणा एआरटीओ गोपाल वरोकार यांनी दिला आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
