मुंबई: आज करोनाची दैनंदिन रुग्णसंख्या नियंत्रणात असली तरी आजच्या मृत्यूंची संख्या चिंतेत भर घालणारी आहे. आज दिवसभरात एकूण २०८ रुग्णांचा मृत्यू झाला आहे. काल ही संख्या १६३ इतकी होती. राज्याच्या आरोग्य विभागाने दिलेल्या माहितीनुसार आज दिवसभरात ६ हजार ३८८ नव्या रुग्णांचे निदान झाले आहे. तसेच आज एकूण ८ हजार ३९० इतके रुग्ण बरे झाले आहेत. (maharashtra registered 6388 new cases in a day with 8390 patients recovered and 208 deaths today)

आज राज्यात झालेल्या २०८ रुग्णांच्या मृत्यूंनंतरही राज्याचा मृत्यूदर वाढला आहे. गेल्या काही दिवसांपासून २.०१ टक्क्यांवरच स्थिरावलेला दर आता २.११ टक्क्यांवर पोहोचला आहे. याबरोबर राज्यात आतापर्यंत एकूण ६१ लाख ७५ हजार ०१० रुग्ण बरे झाले आहेत. यामुळे राज्यातील रुग्ण बरे होण्याचे प्रमाण ९६.८६ टक्के इतके झाले आहे.

क्लिक करा आणि वाचा-

राज्यातील सक्रिय रुग्णसंख्येतही घट

राज्यातील एकूण सक्रिय रुग्णांची संख्या ६२ हजार ३५१ इतकी आहे. राज्यातील सक्रिय रुग्णांचा जिल्हानिहाय विचार करता पुणे जिल्ह्यात सक्रिय रुग्णांची संख्या सर्वाधिक आहे. पुणे जिल्ह्यात हा आकडा १४ हजार ४२३ इतका आहे. त्या खालोखाल सांगलीत एकूण ७ हजार ०२७ इतके रुग्ण उपचार घेत आहेत. तर, साताऱ्यात ही संख्या ६ हजार ५७३ इतकी आहे. या खालोखाल अहमदनगरमध्ये एकूण ४ हजार ९६४ रुग्णांवर उपचार सुरू आहेत. ठाणे जिल्ह्यात ६ हजार १३३ सक्रिय रुग्ण आहेत. तर सोलापुरात ४ हजार ५५३ इतके रुग्ण आहेत.

क्लिक करा आणि वाचा-

मुंबईत ३२०८ सक्रिय रुग्ण

मुंबई महापालिका हद्दीत सक्रिय रुग्णांची संख्या कमी झाली असून ही सख्या ३ हजार २०८ इतकी आहे. तर, रायगडमध्ये १ हजार ४७२, रत्नागिरीत १ हजार ७१२, सिंधुदुर्गात १ हजार ४१४, बीडमध्ये १ हजार ५९८, नाशिकमध्ये सक्रिय रुग्णांची संख्या ८६७ इतकी आहे.

भंडाऱ्यात फक्त १ सक्रिय रुग्ण

या बरोबरच, औरंगाबादमध्ये ६२३, नांदेडमध्ये ही संख्या ६२ इतकी आहे. जळगावमध्ये ३२०,नागपूर जिल्ह्यात ही संख्या २७१ इतकी झाली आहे. तर यवतमाळमध्ये सक्रिय रुग्णांची संख्या १३ इतकी झाली आहे. तसेच अमरावतीत ही संख्या ६५ वर खाली आली आहे. नंदुरबारमध्ये ही संख्या ४ इतकी असून धुळ्यात ही संख्या ३ इतकी आहे. तर भंडाऱ्यात केवळ १ रुग्ण आहे. आज राज्यात सर्वात जास्त सक्रिय रुग्णांची संख्या पुणे जिल्ह्यात आहे. तर, सर्वात कमी सक्रिय रुग्णांची संख्या भंडारा जिल्ह्यात आहे. येथे सक्रिय रुग्णांची संख्या १ वर आली आहे.

क्लिक करा आणि वाचा-

३,९८,३९७ व्यक्ती होम क्वारंटाइन

आतापर्यंत तपासण्यात आलेल्या ५ कोटी ०३ लाख २६ हजार ८१२ प्रयोगशाळा नमुन्यांपैकी ६३ लाख ७५ हजार ३९० (१२.६७ टक्के) नमुने पॉझिटिव्ह आले आहेत. सध्या राज्यात ३ लाख ९८ हजार ३९७ व्यक्ती होमक्वारंटाइनमध्ये आहेत. तर, २ हजार ५०७ व्यक्ती संस्थात्मक क्वारंटाइनमध्ये आहेत.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here