पुणेः पुण्यातील प्रसिद्ध मराठे ज्वेलर्सच्या प्रणव मराठेंना अटक करण्यात आली आहे. गुंतवणूकदारांची पाच कोटींची फसवणूक केल्याप्रकरणी ही कारवाई करण्यात आली आहे.

मराठे ज्वेलर्सच्या योजनांमध्ये गुंतवणूक केल्यास चांगला परतावा मिळेल, असं सांगून प्रणव मराठेंनी गुंतवणूकदारांची फसवणूक केली असा आरोप करण्यात आहे. एकूण १८ गुंतवणूकदारांची तब्बल पाच कोटींहून अधिक रकमेची फसवणूक केली आहे. न्यायालयाने प्रणव मराठेंना १८ ऑगस्टपर्यंत पोलीस कोठडी सुनावली आहे.

शुभांगी काटे यांनी प्रणव मराठेंविरोधात पोलिसांत तक्रार दाखल केली होती. मराठे ज्वेलर्समध्ये जानेवारी २०१७ ते २०२१ या कालावधीत फसवणूक झाल्याचे तक्रारीत म्हटलं आहे. आरोपींने गुंतवणुकदारांची रक्कम वैयक्तिक फायद्यासाठी वापरल्याचे दिसून येत असल्याचं, पोलिसांचे म्हणणं आहे. त्या अधारे प्रणव मराठेंना अटक करण्यात आली आहे.

आरोपीला गुन्ह्याच्या तपासासाठी हजर राहण्याबाबत वारंवार नोटिशीद्वारे कळविण्यात आले होते. मात्र, आरोपीने सहकार्य केले नाही, संबंधित कंपनी, वैयक्तिक; तसेच संयुक्त बँक खात्यांचा आवश्यक तपशील सादर केलेला नाही. ठेवीदारांकडून प्राप्त ठेवी व्याजासह परत न करता त्याचा विनियोग कोणत्या मालमत्ता खरेदी-विक्रीसाठी केल्या आहेत, याबाबत तपास करण्यासाठी आरोपीला पोलिस कोठडी देण्याची मागणी सरकारी वकील एम. बी. वाडेकर यांनी केली. न्यायालयाने ती मान्य केली.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here