अमरावती : मेळघाट येथील वनपरिक्षेत्र अधिकारी दीपाली चव्हाण यांनी वरिष्ठ अधिकाऱ्यांच्या जाचाला कंटाळून गुरुवार दिनांक २३ मार्च २०२१ रोजी स्वतःवर गोळ्या झाडून आत्महत्या केली होती. याच प्रकरणात निलंबित असलेले मेळघाट व्याघ्र प्रकल्पाचे अप्पर मुख्य प्रधान संरक्षक श्रीनिवास रेड्डी यांच्यावर सदोष मनुष्यवधाचा गुन्हा धारणी पोलिसांमध्ये दाखल करण्यात आला होता. हा गुन्हा १३ ऑगस्ट रोजी मुंबई उच्च न्यायालयाच्या नागपूर खंडपीठाकडे रद्द करण्यात आला आहे.

दीपाली चव्हाण आत्महत्या प्रकरणातील मुख्य आरोपी उपवनसंरक्षक विनोद शिव कुमार बाला यांना अटक करण्यात आली होती. दीपाली चव्हाण यांच्या आत्महत्येनंतर त्यांच्या सुसाईड नोटमधून विनोद शिवकुमार बाला याला पाठीशी घालणारे अप्पर प्रधान मुख्य वनसंरक्षक श्रीनिवास रेड्डीसुद्धा तेवढेच जबाबदार असल्याने त्यांच्यावर धारणी पोलिसांकडून सदोष मनुष्यवधाचा गुन्हा दाखल करण्यात आला होता.

आज १३ ऑगस्ट रोजी या संदर्भात मुंबई उच्च न्यायालयाच्या नागपूर खंडपीठाकडे सुनावणी करण्यात आली यामध्ये श्रीनिवास रेड्डी वरील सदोष मनुष्यवधाचा गुन्हा रद्द करण्यात आला आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here