ट्रम्प यांच्या भारत भेटीच्या एक दिवस आधीपासून ईशान्य दिल्लीत सीएएवरून हिंसाचार सुरू आहे. जाळपोळ आणि दगडफेकीच्या घटना घडत आहेत. सलग तिसऱ्या दिवशी हा हिंसाचार सुरू आहे. या पार्श्वभूमीर ट्रम्प यांना दिल्लीतील पत्रकार परिषदेत ट्रम्प यांना प्रश्न विचारण्यात आला. सीएएविरोधातील हिंसाचारावर हा प्रश्न केला गेला. यावर ट्रम्प यांनी अतिशय सावधपणे उत्तर दिलं.
सीएएवर भारत योग्य निर्णय घेईलः ट्रम्प
दिल्लीतील हिंसाचाराबाबत आपण ऐकलंय. पण प्रकरणी पंतप्रधान मोदींशी चर्चा झाली नाही. सीएएवर आपण बोलणार नाही कारण हा भारताचा अंतर्गत मुद्दा आहे. आपेक्षा आहे भारत योग्य पाऊल उचलेल आणि योग्य निर्णय घेईल. आम्ही मोदींशी धार्मिक स्वातंत्र्यावर चर्चा केली. धार्मिक स्वातंत्र्य मिळावे, अशीच मोदींची ईच्छा आहे. भारताने धार्मिक स्वातंत्र्यावर मोठं काम केलं आहे. नागरिकांचे धार्मिक स्वातंत्र्य अबाधित आहे. भारतात सध्या २० कोटी मुस्लिम आहेत. काही वर्षांपूर्वी मुस्लिमांची संख्या १४ कोटी इतकी होती. आम्ही मुस्लिम समाजालासोबत घेऊन काम करतोय, असं मोदींनी सांगितल्याचं ट्रम्प म्हणाले.
ट्रम्प यांचा भारत दौरा सुरू असताना राजधानी दिल्लीत हिंसाचारात धगधगत आहे. दिल्लीतील हिंसाचारात आतापर्यंत १० जणांनी जीव गमावलाय. अपुऱ्या सुरक्षेमुळे हिंसाचार वाढला, असं दिल्ली पोलिसांनी गृहमंत्रालयाला सोमवारी दिलेल्या अहवालात म्हटलंय. तसंच गृहमंत्रालयाच्या वरिष्ठ अधिकाऱ्यांसोबत झालेल्या बैठकीतही पुरेसे पोलीस बळ नसल्याचं कारण देण्यात आलं होतं.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
