पुणे: बाणेरजवळील टेकडीच्या पायथ्याला वाईल्डग्राफ फोटोग्राफी करणाऱ्या व्यक्तीला दुचाकीवरून आलेल्या दोघांनी लुटल्याची घटना मंगळवारी दुपारी घडली. या वेळी चोरट्यांनी त्यांच्याजवळील कॅमेरा लेन्स, मोबाईल व दोन सोन्याच्या अंगठ्या असा एक लाख ८० हजार रुपयांचा ऐवज जबरदस्तीने घेतला. या प्रकरणी चतुःश्रुंगी पोलिस ठाण्यात जबरी चोरीचा गुन्हा दाखल करण्यात आला आहे.

वाचा:

महाळुंगे येथील ४० वर्षीय व्यक्तीने या प्रकरणी तक्रार दिली आहे. त्यानुसार दुचाकीवरून दोघांच्या विरोधात गुन्हा दाखल करण्यात आला आहे. पोलिसांनी दिलेल्या माहितीनुसार, तक्रारदार हे वाईल्डग्राफ फोटीग्राफी करतात. मंगळवारी सकाळी ते टेकडीवर फोटोग्राफी करण्यासाठी गेले होते. फोटोग्राफी करून करून ते दुपारी एकच्या सुमारास पॅनकार्ड क्लब रस्त्यावरील टेकडीच्या पायथ्याला असलेल्या मंदिराजवळ आले. त्यावेळी दुचाकीवरून दोन व्यक्ती त्यांच्याजवळ आल्या. त्यांना धमकावून त्यांच्याकडील निकॉन कंपनीचा कॅमेरा, एक लेन्स, दोन सोन्याच्या अंगठ्या, मोबाईल जबरदस्तीने काढून घेतला. दुचाकीवरून पसार झाले. या प्रकरणी चतुःश्रुंगी पोलिस अधिक तपास करत आहेत.

बोपदेव घाटात तरुणीवर वार करून लुटले!

बोपदेव घाटातील शेवटच्या वळणारा तरुणीवर धारदार शस्त्राने वार करून लुटल्याची धक्कादायक घटना सोमवारी रात्री अकराच्या सुमारास घडली. यावेळी तिच्या सोबत असलेल्या मित्राकडील एक हजार रुपये व पाकीट हिसकावून नेले. याप्रकरणी कोंढवा पोलिस ठाण्यात गुन्हा दाखल करण्यात आला आहे. याबाबत २९ वर्षीय तरुणाने तक्रार दिली आहे. त्यानुसार दुचाकीवरील तिघांच्या विरोधात जबरी चोरीचा गुन्हा दाखल करण्यात आला आहे.

पोलिसांनी दिलेल्या माहितीनुसार, ताडीवाला रोड परिसरातील एक तरुण त्याच्या मैत्रिणीसोबत १६ ऑगस्ट रोजी बोपदेव घाट परिसरात फिरण्यासाठी गेले होते. त्यांचे फिरून झाल्यानंतर रात्री अकराच्या सुमारास ते बोपदेव घाटातून खाली उतरत होते. घाटातील शेवटच्या वळणावर आल्यानंतर दुचाकीवरून तीन व्यक्ती त्या ठिकाणी आल्या. त्यांनी तरुणीवर चाकू सारख्या धारदार शस्त्रांनी वार करून तिच्या गळ्यातील २५ हजार रुपये किंमतीची सोन्याची साखळी हिसकावून घेतली. तसेच, त्यावेळी तिच्या मित्राला धाक दाखवून त्याचे पाकीट व एक हजार रुपये चोरट्यांनी घतले. दुचाकीवरून पसार झाले. त्यानंतर जोडप्याने कोंढवा पोलिसांकडे धाव घेऊन तक्रार दिली. या प्रकरणी एस. ए. पाटील हे अधिक तपास करत आहेत.

वाचा:

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here