म. टा. विशेष प्रतिनिधी,
महानगरपालिकेच्या कीटकनाशक विभागाद्वारे करण्यात आलेल्या स्वच्छता मोहिमेमध्ये जानेवारीपासून आजवर ३९ हजार ४८१ ठिकाणी ” या डेंग्यू प्रसारास कारणीभूत ठरणाऱ्या डासांच्या अळ्या, तर ७ हजार ९२२ ठिकाणी मलेरियावाहक ‘अॅनॉफिलीस स्टिफेन्सी’ डासांच्या अळ्या आढळून आल्या. या अळ्या तत्काळ नष्ट करण्यात आल्या आहेत. याच कालावधीमध्ये डासांची संभाव्य उत्पत्तीस्थळे ठरू शकणारे तब्बल १२ हजार ३८ टायर तसेच २ लाख ८० हजार ९८७ इतर टाकाऊ वस्तूदेखील हटविण्यात आल्याची माहिती कीटकनाशक अधिकारी राजन नारिंग्रेकर यांनी दिली. पालिकेच्या स्वच्छता मोहिमेत इमारत परिसरातील पाण्याच्या टाक्या, झोपडपट्ट्यांमधील पाण्याचे पिंप, प्लास्टिक किंवा ताडपत्रीमध्ये साचलेले पाणी, परिसरात पडून असले टायर, त्या टायरमध्ये साचलेले पाणी, झाडांच्या कुंड्यांखालील ताटल्या, शोभिवंत झाडांच्या कुंड्या, पाणी असणाऱ्या शोभेच्या वस्तू, नारळाच्या करवंट्यांची विल्हेवाट लावण्यात आली. या डासांच्या प्रत्येक उत्पत्तीस्थळाच्या ठिकाणी एकावेळी एक मादी डास १०० ते १५० अंडी घालते. एका मादी डासाचे सरासरी आयुर्मान तीन आठवड्यांचे असते. या कालावधीत मादी डास किमान चारवेळा साचलेल्या पाण्यात अंडी घालते. एका मादी डासामुळे ४०० ते ६०० डास तयार होत असतात. हे डास डेंग्यू वा मलेरिया यासारख्या आजारांच्या प्रसारास कारणीभूत ठरतात याकडे नारिंग्रेकर यांनी लक्ष वेधले.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here