देवमाळीच्या महालक्ष्मी टाऊनशिप येथील रहिवासी रतन जानराव मोरे हे काल सकाळी साडेदहा दरम्यान आपल्या अकोला येथे शिक्षण घेत असलेल्या मुलीला भेटण्याकरिता गेले होते. मुलीला भेटून परत आल्यावर सायंकाळी पाच वाजता त्यांना आपल्या घराचे दरवाजे उघडे दिसले. मोरे परिवार आतमध्ये गेले असता त्यांना आपल्या घरातील कपाटामधून सोन्या-चांदीचे दागिने व रोख तीस हजार रुपये लंपास झाले असल्याचे लक्षात आले.
यामुळे आपल्या घरी चोरी झाली याची खात्री होताच त्यांनी परतवाडा पोलिसांना घटनेची माहिती दिली. घटनास्थळी परतवाडा पोलीस तसेच उपविभागीय अधिकारी पोपट अब्दगिरे यांनी पंचनामा केला. तर मोरे यांच्या घरी स्वान पथक व ठसे तज्ज्ञांनाही पाचारण करण्यात आले. मात्र, अद्यापही चोरट्यांचा कुठलाही सुगावा पोलिसांना लागलेला नाही.
चोरटे जेव्हा घरामध्ये प्रवेश करत होते तेव्हा घरामध्ये टफी नामक कुत्रासुद्धा होता. कुत्र्याने भुंकून चोरट्यांना प्रतिकार केला. पण चोरट्यांनी कुत्र्याला मारहाण करत घरातून बाहेर फेकून दिले. दिवसाढवळ्या ही चोरी झाल्याने आता अनेक प्रश्नचिन्ह या चोरीमुळे उपस्थित होत आहेत. तर दोन दिवसांआधीच परतवाड्यातील ताणली भागामध्ये आठ ते दहा चड्डी बनियानवर आलेले चोरटे सीसीटीव्ही कॅमेऱ्यामध्ये कैद झाले होते. त्यांचादेखील ठावठीकाणा पोलीसांना लागलेला नाही.
शिक्षक मोरे यांच्या घरातील जवळपास एक पंच्याहत्तर ग्रॅम दागिने चोरी गेले असून तीस हजार रुपये रोख रक्कम व पाच हजार रुपये जमा केलेले कॉईन एकूण तीन हजार असे जवळपास दहा लाखांच्यावर चोरी झाली असावी असा अंदाज व्यक्त केला आहे. (theft increased in rural areas of amravati district)
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
