मुंबईः परिसरात सिलेंडरचा स्फोट झाल्याची घटना घडली आहे. दुपारी साडेबाराच्या सुमारास हा स्फोट झाला असून या दुर्घटनेत १५ जण जखमी झाले आहेत.

धारावीतील शाहू नगर परिसरात गॅस गळती झाल्यामुळं घरगुती गॅस सिलेंडरचा स्फोट झाला. स्फोटाची माहिती मिळताच अग्निशमन दलाच्या दोन गाड्या घटनास्थळी पोहोचल्या आहे. सिलेंडरमधून गॅसची गळती होत असल्यामुळं सिलेंडर घराबाहेर ठेवण्यात आला होता, अशी प्राथमिक माहिती समोर येत आहे.

सिलेंडरचा स्फोट झाल्यानंतर परिसरात एकच खळबळ माजली. स्थानिकांच्या मदतीने आग विझवण्याचा प्रयत्नही करण्यात आला. मात्र, स्फोट इतका भीषण होता की शेजारील घरातीलही व्यक्ती आगीत होरपळल्या आहेत.

या दुर्घटनेत जखमी झालेल्या जखमींना सायन रुग्णालयात दाखल करण्यात आले आहे. एकूण १४ जण जखमी झाले असून त्यातील १० जणांची प्रकृती स्थिर आहे. तर, ४ जणांची प्रकृती गंभीर आहे. सत्तारदेवी जयस्वाल (४०), शौकत अली (५८) हे ५० ते ६० टक्के भाजले असून त्यांची प्रकृती गंभीर आहे. तर, तीन जणांचे चेहरे भाजले असून तेही गंभीर जखमी झाले आहेत. यात ८ वर्षांचा मुलाचा समावेश आहे. त्यांच्यावर सायन रुग्णालयात उपचार सुरू आहेत. मुंबईच्या महापौर किशोरी पेडणेकर या सायन रुग्णालयात जखमींची भेट घेणार असल्याची माहिती मिळत आहे.

भाजलेल्यांची यादी
राजकुमार जैस्वाल (४५)
अबिना बीबी शेख (२७)
गुलफान अली (२९)
अलिना अन्सारी (५)
मोहम्मद अब्दुल्ला (२१)
अस्मा बानो (१८)
फिरोज अहमद (३५)
फैय्याज अन्सारी (१६)
प्रमोद यादव (३७)
अत्ताजाम अन्सारी (४)

गंभीर जखमी
सतारादेवी जैस्वाल (वय ४०) – ५०-६०% प्रकृती गंभीर

शौकत अली (वय ५८) – ५०-६०% भाजले, प्रकृती गंभीर

सोनू जैस्वाल (वय ०८) चेहरा भाजला, प्रकृती गंभीर

अंजून गौतम (वय २८) चेहरा भाजला, प्रकृती गंभीर

प्रेम जैस्वाल (वय ३२) चेहरा भाजला, प्रकृती गंभीर

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here