सतीश चिकणे यांनी सकाळी जाहीर नाराजी व्यक्त करत राष्ट्रवादीचा राजीनामा दिला होता. त्यानंतर नेते आणि राज्याचे माजी पर्यावरण मंत्री आमदार रामदास कदम तसंच दापोली विधानसभा मतदारसंघाचे आमदार योगेश कदम यांच्या उपस्थितीत खेड येथे आपल्या कार्यकर्त्यांसह चिकणे यांनी शिवसेनेत प्रवेश केला आहे.
सतीश चिकणे यांच्यासह त्यांचे वडील चिकणे गुरूजी यांचं खेड शहरासह खेड तालुक्यात राष्ट्रवादी काँग्रेस संघटन वाढवण्यासाठी मोठं योगदान आहे . त्यांचे वडील दिवंगत चिकणे गुरूजी हे खेड तालुका राष्ट्रवादी काँग्रेस पार्टीचे अध्यक्ष राहिले होते. सतीश चिकणे हे देखील राष्ट्रवादीचे शहराध्यक्ष आणि माजी नगरसेवक आहेत. खेड शहरासह तालुक्यात त्यांचा मोठा लोकसंपर्क आहे.
राष्ट्रवादीतील या महत्त्वाच्या नेत्याने शिवसेनेत प्रवेश केलेल्या खेड शहरात शिवसेना पक्ष संघटन अधिक मजबूत होणार आहे, असा विश्वास सेनेतील कार्यकर्त्यांकडूनही व्यक्त होत आहे. दरम्यान या पक्ष प्रवेशानंतर राष्ट्रवादीकडून नेमकी काय प्रतिक्रिया देण्यात येते, हे पाहणं महत्त्वाचं ठरणार आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
