पोलिसांनी दिलेली माहिती अशी की, फिरस्ता मजूर सुनील (४०, पूर्ण नाव माहीत नाही) हा मोनू श्यामलाल बनसोड उर्फ सागर बाबा (५१, मूळ रा. जबलपूर थाना, गोरखपूर, हल्ली ) व बिनेश शुभम नायर (३३, मूळचा केरळ, सध्या पंक्चर काढण्याचे काम करणारा) हे तिघे गेल्या पाच ते सहा महिन्यांपासून रामरतन लॉजच्या समोरच्या भागात रात्री येऊन झोपत होते. ते शुक्रवारी रात्री ते आल्यानंतर तेथे संशयित पंडित गायकवाड तेथे आला. त्याने सुनील याच्याकडे वीस रुपयांची मागणी केली. परंतु, सुनील याने त्याला पैसे दिले नाही. त्यामुळे पंडित याने त्याच्याजवळील कटरने सुनीलच्या गळ्यावर वार केला. त्याच स्थितीत सुनील जुना आडगाव नाका येथून वाल्मीकनगरातून सेवाकुंज येथे येऊन पडला.
पोलिसांना माहिती कळताच जखमी सुनीलला उपचारांसाठी पाठविण्यात आले. मात्र, अधिक रक्तस्राव झाल्याने त्याचा मृत्यू झाला. तो ज्या मार्गाने आला होता. त्या मार्गावर रक्ताचे थेंब पडलेले होते. पोलिसांनी त्याचा माग काढला असता ही घटना रामरतन लॉजच्या समोरच्या भागात घडल्याचे निष्पन्न झाले. तेथील सीसीटीव्ही कॅमेऱ्यात पेट्रोलपंपावर एकजण हात धूत असल्याचे दिसले. त्यावरून तपास केल्यानंतर पोलिसांनी सागर बाबाला ताब्यात घेतले. सुनीलचा साथीदार बिनेश नायर याचा शोध घेऊन पोलिसांनी त्याची चौकशी केली असता हा वार दोघांनी केला नसल्याचे समजले. त्यांनी सांगितलेल्या वर्णनावरून आणि कपड्यांवरून पोलिसांनी तपासाची चक्रे फिरवली असता तपोवनातील उद्यानात संशयित पंडित गायकवाड सापडला. घटनेची माहिती मिळताच पोलिस उपायुक्त अमोल तांबे, सहायक पोलिस आयुक्त मधुकर गावित, पंचवटी पोलिस ठाण्याचे पोलिस निरीक्षक सीताराम कोल्हे व गुन्हे शोथ पथकाने घटनास्थळी जाऊन रात्रीच या खुनाची उकल केली.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
