धावत्या ट्रेनमध्ये चढताना वृद्धेचा तोल गेला अन्….; पाहा व्हिडिओ

वसईः धावत्या ट्रेनमध्ये चढणे एका वृद्ध महिलेच्या जीवावर बेतले आहे. रेल्वे स्थानकात धावत्या ट्रेनमध्ये चढण्याच्या प्रयत्नान एका महिलेचा तोल जाऊन पडल्याची घटना घडली आहे. ही प्रवासी महिला ट्रेनखाली जाणार इतक्यात पोलीस व इतर प्रवाशांच्या मदतीने या महिलेचे प्राण वाचवले. घटनास्थळी उपस्थित असलेल्या पोलीस आणि प्रवाशांमुळं या महिलेला जीवनदान मिळाले आहे. मात्र, या अपघातात ती गंभीर जखमी झाली आहे.

प्रमिला मारो ही महिला आपल्या पतीसोबत भावनगरहून हैदराबादला जात होती. यावेळी वसई रेल्वे स्थानकात चहापानासाठी ट्रेन काही वेळ थांबली होती. त्यावेळी चहा पिण्यासाठी प्रमिला आपल्या पतीसह ट्रेनमधून उतरल्या होत्या. मात्र, लगेचच ट्रेन सुरू झाली. आपली ट्रेन सुटणार या भीतीने दोघंही प्लॅटफॉर्मवर ट्रेन पकडण्यासाठी धावू लागले. धावती ट्रेन पकडण्याच्या गडबडीत महिलेचा तोल गेला आणि ती ट्रेन आणि प्लॅटफॉर्मच्यामधील ट्रॅकवर पडली.

वाचाः
महिला रेल्वे ट्रॅकवर पडल्यानंतर तिच्या पतीने व प्लॅटफॉर्मवर उपस्थित असलेल्या प्रवाशांनी आरडा- ओरडा केला होता. प्रवाशांचा आवाज ऐकून पोलिसांनी लगेचच घटनास्थळी धाव घेत महिलेला रेल्वे ट्रॅकमधून सुखरुप बाहेर काढलं आहे. पोलिसांच्या मदतीने या महिलेचे प्राण वाचले आहेत. मात्र, महिला गंभीररित्या जखमी झाली आहे.

वाचाः